Ախալքալաքում կորոնավիրուսի դեպքերի աճի հետ մեկտեղ տեղի բնակիչները որոշ վայրերում սկսել են ավելի խիստ պահել հիգիենայի կանոնները։ Եթե դեռ ​​մի քանի շաբաթ առաջ փողոցում հազվադեպ կարելի էր հանդիպել դիմակով մարդու, ապա այժմ շատերը կրում են դիմակ, չնայած նրանցից շատերը դիմակը կրում են կզակի վրա:

Խանութներում և այլ փակ տարածքներում հիմնականում բոլորը պետք է դիմակ կրեն, իսկ Ախալքալաքի փողոցներում կարելի է հանդիպել նաև բազմաթիվ դիմակներով «պաշտպանված» բնակիչների։

Ախալքալաքի սննդի բաց տիպի շուկայում վաճառողներն ու գնորդները նույնպես հիմնականում դիմակ են կրում: Այնուամենայնիվ, շատերը և պաշտպանվում են, և՝ ոչ, քանի որ դիմակը իջեցնում են կզակի վրա:

«Կորոնավիրուսի ալիքը հասել է Ախալքալաք, մեզ մոտ ամեն ինչ եռման փուլում է: Նախկինում, իհարկե, մենք աչք էինք փակում այս բոլոր կանոնների վրա, բայց հիմա մենք մեզ պաշտպանում ենք: Ես անպայման դիմակ եմ կրում, փոխում եմ, ձեռքերս ախտահանում»,- ասում է քաղաքի բնակիչներից մեկը։

Քաղաքի դեղատները նշում են նաև, որ ավելացել է ախտահանիչ լուծույթ և դիմակներ գնող գնորդների թիվը:

245086669_179408357605183_1486772262186827521_n

Այդուհանդերձ, Ախալքալաքում այդպես էլ չսովորեցին հեռավորություն պահպանել։ Մարդաշատ վայրերում և հերթերում մարդիկ չեն պահպանում միմյանց միջև հեռավորությունը՝ վախենալով հերթը կորցնելուց:

IMG_4458

Վարակվածների հետ շփումներ ունեցող մարդիկ մեկուսացման կանոնները չեն պահպանում, փողոցներում կարող եք տեսնել վարակվածների հարազատներին կամ հենց իրենց՝ կորոնավիրուսով հիվանդներին: Իսկ շատերն էլ, ունենալով ախտանիշներ, չեն հանձնում թեստ, որպեսզի չմեկուսացվեն։

IMG_4462

Ախալքալաքում, վերջին օրերին, օրական 4-8-ից մինչև 40-45 դեպք է հայտնաբերվել: Ավելին, հոկտեմբերի 20-ին հայտնաբերվել է 4 դեպք, 19-ին՝ 11, 18-ին՝ 34 դեպք։