Վրաստանի շրջակա միջավայրի պահպանության և գյուղատնտեսության նախարարությունը ծրագիր է նախաձեռնել գյուղատնտեսությամբ զբաղվողներին աջակցելու նպատակով, որի շրջանակներում գյուղատնտեսները կարող են համաֆինանսավորմամբ գյուղատնտեսական նշանակության տեխնիկա ձեռք բերել:

Ծրագրի բյուջեն կազմում է 50 000 000 լարի: Նպատակն է համաֆինանսավորման միջոցով բարձրացնել գյուղատնտեսական տեխնիկայի ձեռքբերման հասանելիությունը։

Նախագծի շրջանակներում մասնակիցները կարող են ձեռք բերել ինչպես նոր, այնպես էլ օգտագործված տեխնիկա։

Ծրագրին մասնակցելու համար անհրաժեշտ է անցնել երեք փուլ։

Փուլ I՝ նախնական գրանցում. նախնական գրանցումը կսկսվի սեպտեմբերի 1-ին՝ ժամը 12:00-ին, կայքի միջոցով:

II փուլ՝ դիմում. էլեկտրոնային ծրագրում կարող եք ներկայացնել դիմում սեպտեմբերի 15-ից, ժամը 12:00-ից, որի ժամանակ էլ դիմորդին կտրվի հերթի համարը։

III փուլ՝ փաստաթղթերի բեռնում. ծրագրի փաստաթղթերը կարող եք ներբեռնել սեպտեմբերի 20-ին, ժամը 00:01-ից: Բոլոր պոտենցիալ շահառուներին կտրվի 5 օրացուցային օր՝ փաստաթղթերը վերբեռնելու համար:

Ծրագիրը կիրականացվի Վրաստանի բոլոր քաղաքապետարաններում և ինքնակառավարվող քաղաքներում:

Մասնակցելու համար անհրաժեշտ խորհրդատվություն կարող եք ստանալ Վրաստանի գյուղատնտեսության նախարարության Գյուղի և գյուղատնտեսության զարգացման գործակալության Ախալքալաքի խորհրդա-տեղեկատվական կենտրոնի աշխատակիցներից։

Ինչպես նաև մանրամասն տեղեկությունների և ծրագրին գրանցվելու համար կարող եք այցելել Վրաստանի շրջակա միջավայրի պահպանության և գյուղատնտեսության նախարարության կայք հետևյալ՝ agrotech.rda.gov.ge հղումով:

Հայտերի ընդունումը կավարտվի այն ժամանակ, մինչև ծրագրի բյուջեն սպառվի։