Նախկին զինվորական ավանը եւ Ջիվանու թաղամասն Ախալքալաքի հետ կապող հետիոտնային կամուրջը դեռևս բաց է: Ըստ վերանորոգող ընկերության մենեջերի, այն կփակեն, երբ համապատասխան շինանյութերը տեղ հասնեն: Կամուրջը շարժման համար փակ կլինի առավելագույնը 1,5 ամիս:
Վերականգնման աշխատանքներն իրականացնում է Բաթումիի «Գաբիոնի 2000» ՍՊԸ-ն: Պայմանագիրը ստորագրված է, աշխատանքներն էլ սկսվել են:
Նախկին զինվորական ավանի և Ջիվանու թաղամասի բնակչությունը մտահոգված է կամրջի փակմամբ, ուստի Jnews- ը որոշեց ընկերությունից ճշտել հետիոտնային կամրջի փակման ժամկետները:
Ինժեներ, ընկերության մենեջեր Մերաբ Սուլմանիձեն Jnews- ին ասաց, որ փորձում են աշխատանքները կազմակերպել այնպես, որ հետիոտնային կամուրջըկամուրջը փակվի առավելագույնը 1,5 ամսով:
«Երբ եռակցման աշխատանքները սկսվեն, և ծածկը հանենք, այդ ժամանակ էլ կամուրջը կփակենք: Բանվորները կաշխատեն ամրացված գոտիներով և անվտանգության բոլոր կանոններին համապատասխան: Այժմ իրականացնում ենք այն աշխատանքները, որոնք հնարավոր է իրականացնել առանց կամուրջի փակման: Մենք կփակենք, երբ շինանյութերը տեղ հասնեն, դրանք արդեն պատվիրված են », – ասաց Մերաբ Սուլմանիձեն:
Նա նաեւ նշեց, որ հասկանում է, որ կամրջի փակումն անհարմարություն կպատճառի բնակչությանը, բայց խնդրում է համբերատար լինել և սպասել լավ արդյունքների:
