Եվրոպական խորհրդի նախագահ Շառլ Միշելը երեկ Նախագահի հրավերով ժամանել է Վրաստան:

Այսօր Եվրոպական խորհրդի նախագահը կմասնակցի Բաթումիի «ԵՄ ձգողականության ուժը և տարածաշրջանի վերափոխումը» միջազգային համաժողովին, որի ընթացքում տեղի կունենա Արևելյան գործընկերության ասոցացված երկրների առաջնորդների հանդիպումը:

Շառլ Միշելն արդեն հանդիպել է Վրաստանի նախագահ Սալոմե Զուրաբիշվիլիի հետ: Նախագահի աշխատակազմի մամուլի ծառայությունը տարածել է Սալոմե Զուրաբիշվիլիի և Շառլ Միշելի հանդիպման տեսակադրերը:

Այս պահին Բաթումիում տեղի է ունենում Եվրոպական խորհրդի նախագահ Շառլ Միշելի հանդիպումը ընդդիմադիր կուսակցությունների ներկայացուցիչների հետ:

Ինչպես հանդիպումից առաջ լրագրողներին հայտնել են ընդդիմության առաջնորդները, քննարկման հիմնական թեմաներից մեկը կլինի հենց Շառլ Միշելի փաստաթուղթը, և այն, որ Գերագույն դատարանում դատավորների նշանակմամբ խախտվում է համաձայնագիրը:

Ընդդիմության ներկայացուցիչներն ակնկալում են, որ Շառլ Միշելը շատ խիստ ուղերձներ կկատարի իշխանությունների հասցեին: