Օրբելիանիների պալատում տեղի է ունեցել ՀՀ նախագահի և Հայաստանի պետական պատվիրակության դիմավորման պաշտոնական արարողությունը:
Դիմավորման արարողությանը հնչել են Հայաստանի Հանրապետության և Վրաստանի պետական օրհներգերը, նախագահները հարգել են Վրաստանի պետական դրոշը և միմյանց ներկայացրել պետական պատվիրակություններին:
ՀՀ պատվիրակության կազմում են՝ ՀՀ առաջին տիկին Նունե Սարգսյանը, նախագահի աշխատակազմի ղեկավար Էմիլ Տարասյանը, արտաքին գործերի փոխնախարար Գագիկ Ղալաչյանը, Վրաստանում ՀՀ դեսպան Ռուբեն Սադոյանը, Հայաստանի ազգային շահերի ֆոնդի գործադիր տնօրեն Դավիթ Փափազյանը:
