Ախալքալաքի տեղական զարգացման խումբը (LAG) «People in need»- ի ֆինանսական աջակցությամբ և նրա հետ համատեղ, «Ժողովրդավարության ամրապնդումը մեդիագրագիտության զարգացման միջոցով» ծրագրի շրջանակներում, իրականացնում է «Մեկ աշխարհ դպրոցում» նախագիծը: Ախալքալաքում, «Մոր և երեխաների աշխարհ» կազմակերպության գրասենյակում, որտեղ գործում է «LAG»- ը, կայացավ «Instagram»- ի մասին վավերագրական ֆիլմի ցուցադրումը: Ֆիլմի դիտումից հետո տեղի է ունեցել այս թեմայի շուրջ քննարկում:
Նախագիծը հիմնված է «Մեկ աշխարհ դպրոցում» ծրագրի վրա, որը Չեխիայում 2003 թվականից իրականացվում է «People in need» կազմակերպության կողմից:
Ախալքալաքում «People in need» կազմակերպությունն աշխատում է առաջին անգամ և գոհ է արդյունքից: Ծրագիրն իրականացվում է Իմերեթի, Սամեգրելո, Քվեմո-Քարթլի և Սամցխե-Ջավախք շրջաններում:
«People in need-ն Ախալքալաքում առաջին անգամն է, և Վրաստանում առաջին անգամ է աշխատում էթնիկ խմբերի հետ: Սա մեր առաջին նախագիծն է, որը ներառում է իրավահավասարություն: Այն, ինչ մենք արել ենք Վրաստանի արևմտյան մասում և այլ շրջաններում, մենք դա անում ենք արդեն նաև Ախալքալաքում: Սա մեր առաջին ծրագիրն է, և ես կարծում եմ, որ այն հաջողվեց, քանի որ մենք տեղում ունենք շատ փորձառու գործընկերներ՝ LAG Ախալքալաքը և «Կանայք հանուն Ջավախքի ապագայի» կազմակերպությունը: Նրանք շատ փորձառու են և հեղինակություն ունեն հասարակության շրջանում », – ասաց ծրագրի ղեկավար Աննա Կոճուան:
LAG Ախալքալաքն աշխատում է երկու խմբի հետ՝ երիտասարդների և մեծահասակների, շրջանի երեք գյուղերում՝ Մուրջախեթ, Չամդուրա և Խուլգումո:
Ծրագրի համաձայն, խմբերը դիտում են վավերագրական ֆիլմերը, այնուհետև քննարկում են իրենց տեսածը, համակարգողներից տեղեկատվություն են ստանում և հմտություններ ձեռք բերում մեդիագրագիտության մասին: Երիտասարդների խմբի հետ աշխատում է «LAG»- ի անդամ և Ախալքալաքի կրթական ռեսուրս-կենտրոնի տնօրեն Թերեզա Չիվչյանը, իսկ մեծահասակների խմբի հետ՝ «LAG»- ի անդամ, Jnews- ի լրագրող Շուշան Շիրինյանը:
Ծրագրի շրջանակներում խմբերը պետք է դիտեն 5 կինոնկար, որից երկու կինոդիտումներն ու քննարկումները տեղի են ունեցել «Zoom» հարթակում, իսկ մնացած կինոդիտումներն անց են կացվում օֆլայն: Ֆիլմերը հայերեն լեզվով են:
Աննա Կոճուայի խոսքով, կենդանի շփումն, իհարկե, ավելի լավ է, բայց այս իրավիճակում նրանք այլ ելք չունեին:
Ֆիլմեր դիտելու նպատակն է ցույց տալ տարբեր տեսակետներ և նպաստել քննադատական մտածողության զարգացմանը ու կարծիքների փոխանակման հնարավորությանը, սեփական կարծիքն արտահայտելու և ուրիշների կարծիքները լսելու հնարավորություն ստեղծմանը: Վավերագրական ֆիլմերը դրանք իրական պատմություններ են: Ծրագրի նպատակն է նպաստել ապատեղեկատվության դեմ պայքարին և մեծահասակների ու երիտասարդների շրջանում զարգացնել մեդիագրագիտությունը:
Մեծահասակների և երիտասարդների խումբը շատ գոհ է ծրագրից, նրանք ակտիվ են և հաճույքով մասնակցում են ծրագրին: Հանդիպումներն ակտիվ են ընթանում բուռն քննարկումներով:
Ծրագիրը ֆինանսավորվում է Չեխիայի Արտաքին գործերի նախարարության կողմից TRANSITION ծրագրի շրջանակներում և USAID- ի ֆինանսական աջակցությամբ:
