Փետրվարի 27-ին, Ախալցիխեում 67 տարեկան կնոջը մահացած են հայտնաբերել Ռուսթավելու փողոցում գտնվող իր տանը: Նա միայնակ էր ապրում։ Այս մասին հայտնում է Sknews-ը:

Գործի փաստով ՆԳՆ-ն հետաքննություն է սկսել Վրաստանի Քրեական օրենսգրքի 108-րդ հոդվածով, որն է՝ կանխամտածված սպանություն: Հանցագործությունը պատժվում է ազատազրկմամբ՝ յոթից տասնհինգ տարի ժամկետով՝ զենքի հետ կապված իրավունքների սահմանափակումով։

Մահացածի մտերիմներից մեկն ասել է, որ երկու երեք օր նրանից լուր չունենալով գնացել է նրա տուն, դուռը թակել է, ոչ մեկ չի բացել, հարևաններից է փորձել ճշտել, սակայն ոչինչ չիմանալով դուռը բացել է, տեսել է, որ տանը ամեն ինչ խառնված է, վախեցել է և զանգել ոստիկանություն։

Մահացածի դին հետազոտել է Սամցխե-Ջավախքի դատաբժշկական փորձագետ Դավիթ Մերաբիշվիլին։

«Մահացածը բազմաթիվ այլ վնասվածքներից բացի, գլխի շրջանում վերք ունի, ինչն էլ մահվան է հանգեցրել»- ասել է Դավիթ Մերաբիշվիլին: