Ժամեր տևած բանակցությունների և հատուկ օպերատիվ քննչական գործողությունների արդյունքում, բոլոր պատանդներն անվնաս ազատ են արձակվել է և զինված հարձակվողը ձերբակալվել: Այս մասին հայտարարել է պարեկային ոստիկանության ղեկավար Վաժա Սիրաձեն:

Զինված տղամարդը նոյեմբերի 20-ին ժամը 17.00-ին ներխուժել է Թբիլիսիի Ծերեթելիի պողոտայի «ՄԲՍ» միկրոֆինանսական կազմակերպության շենք և ինը մարդու պատանդ վերցրել։

Հանցագործը պահանջում է բանկային տոկոսադրույքները նվազեցնել մինչև յոթ տոկոս և դեղորայքի գներն, ինչպես նաև երկրում արգելել խաղային բիզնեսը։

Ընդամենը մեկ ամիս առաջ՝ հոկտեմբերի 21-ին, Վրաստանի արևմուտքում գտնվող Զուգդիդի քաղաքում պատանդներ էին վերցվել։

Բադրի Էսեբուա անունով հանցագործը ներխուժել էր Վրաստանի բանկի մասնաճյուղ և պատանդ վերցրել 43 մարդու։

Կես միլիոն դոլար ստանալուց հետո, որը նա պահանջում էր, Էսեբուան ազատ էր արձակել պատանդներին և թաքնվել։

Էսեբուան մինչ այսօր ձերբակալված չէ, քրեական գործ է հարուցվել «ահաբեկչություն» հոդվածով։