ԶԼՄ-ների և դիտորդական կազմակերպությունների գրանցումը Վրաստանի ԿԸՀ-ում շարունակվում է: Հոկտեմբերի 9-ի դրությամբ Վրաստանի ԿԸՀ-ում գրանցվել են 33 մեդիա կազմակերպություն, 66 տեղական և 12 միջազգային կազմակերպություններ:
Լրատվամիջոցների և դիտորդական կազմակերպությունների գրանցման վերջնաժամկետը խորհրդարանական ընտրությունների լուսաբանման և դիտարկման համար ավարտվում է հոկտեմբերի 26-ին: Հոկտեմբերի 9-ի դրությամբ գրանցվել են 33 մեդիա-կազմակերպություններ ինչպես Վրաստանից, այնպես էլ այլ երկրներից, ինչպես նաև 12 միջազգային և 66 տեղական դիտորդական կազմակերպություններ:
Վրաստանում խորհրդարանական ընտրությունները լուսաբանելու համար հավաստագիր են ստացել այնպիսի մեդիա կազմակերպություններ, ինչպիսիք են՝ Աջարիայի հանրային հեռուստատեսությունը և ռադիոընկերությունը, Հանրային հեռարձակողը, «Ազատություն» ռադիոկայանի Վրաստանի մասնաճյուղը, «Մթավարի արխի»-ն, «Պիրվելի» հեռուստաընկերությունը, Եվրոպական հեռարձակողների միության (EBU) – Մոսկվայի բյուրոն, «TV 25» ֊ը, ռուսական «ТАСС» լրատվական գործակալությունը, «Ռուսաստանն այսօր» հեռուստաընկերությունը, «Ազատ Եվրոպա»֊-ն , «Ֆորմուլան», Սիլք Մեդիան:
Ներկայացնենք խորհրդարանական ընտրություններին դիտորդական առաքելություն իրականացնելու համար գրանցված միջազգային կազմակերպություններից մի քանիսին՝ Վրաստանում Միացյալ Նահանգների դեսպանություն, Մարդու իրավունքների միջազգային հասարակություն (ISHR), Միջազգային հանրապետական ինստիտուտ (IRI), Ընտրական համակարգի միջազգային հիմնադրամ (IFES), Միջազգային հարաբերությունների ազգային ժողովրդավարական ինստիտուտ (NDI), Բուլղարիայի Հանրապետության կենտրոնական ընտրական հանձնաժողով, Խորհրդարանական ուսումնասիրությունների միջազգային կենտրոն (ICPS):
Տեղական կազմակերպություններից խորհրդարանական ընտրությունները դիտարկելու համար գրանցվել են հետևյալ կազմակերպությունները. «Միջազգային աստղադիտարանի իրավաբաններ և փաստաբաններ», «Վրաստանի երիտասարդ իրավաբանների ասոցիացիա», «Արդար ընտրություններ», «Բարեփոխիչների ակումբ», «Քաղաքացիական շարժման միություն – Բազմազգ Վրաստան», «Զարգացման և ժողովրդավարության կենտրոն», «Քաղաքացիական պլատֆորմ 20/20», «Ժողովրդավարական ընտրություններ», «Տարածաշրջանային զարգացման և խթանման կենտրոն», «Միջազգային թափանցիկություն-Վրաստան», «Վրաստանի մասնագիտական կրթության աշխատողների և հմուտ անձնակազմի և ուսանողների արհմիություն», «Երիտասարդ սերունդ», «Ապրիորի», «Կանաչ երկիր», «Մեդիա հանուն ազատության», «Ժողովրդավարական ընտրությունների նոր սերունդը», «Մարդու իրավունքների պաշտպանության և հակակոռուպցիոն միություն»-ը և այլք:
