Ախալքալաքի մունիցիպալիտետում, 8555 լարիի չափով, մարել են 143 բաժանորդի հողերի ոռոգման ծառայությունների պարտքերը: Ընդհանուր առմամբ, Վրաստանում պետական արտոնություններից օգտվել են և հողաբարեկարգման դիմաց գանձման վճարից ազատվել ավելի քան 24 հազար բաժանորդ: Այս մասին հայտնում է «Վրացական հողաբարեկարգում» ընկերությունը:

2020 թ-ին, կառավարության որոշմամբ, կորոնավիրուսի համավարակի պատճառով Վրաստանում հողաբարեկարգման ծառայությունները բաժանորդներին մատուցվում են անվճար: Գյուղնախարարության տվյալներով, պետությունը ներել է շուրջ 8 միլիոն լարի (մոտավորապես 2,5 միլիոն դոլար) ընդհանուր պարտք, որը կուտակվել է 2012-ից 2019 թվականներին:

Ըստ «Վրացական հողաբարեկարգման» գնահատումների, ֆերմերներն արդեն խնայել են ավելի քան 2,9 միլիոն լարի (967 հազար դոլար):

Բացի այդ, հակաճգնաժամային ծրագրի շրջանակներում ամբողջությամբ մարվել է 42 հազար ֆիզիկական և իրավաբանական անձանց պարտքերը ընկերությանը: Պարտքը կազմել է 8 միլիոն լարի (գրեթե 2.7 միլիոն դոլար): Գումարը կուտակվել է հողաբարեկարգման (մելիորացիայի) ծառայությունների համար՝ 2012-ից 2019 թվականներին ընկած ժամանակահատվածում:

Կորոնավիրուսի համավարակից առաջացած ճգնաժամը Վրաստանի իշխանություններին ստիպեց վերանայել իր առաջնահերթությունները: Կառավարությունը հայտարարելով ներմուծման փոխարինման ծրագրերի մասին, մշակեց գյուղատնտեսական աջակցության ծրագիր, որի նպատակն էր զարգացնել գրանցված հողեր ունեցող գյուղացիական տնտեսությունները: Այս ծրագրի շնորհիվ շուրջ 200 հազար ֆերմեր արդեն ստանում են լրացուցիչ արտոնություններ: