Ախալքալաքում ավերածությունները շարունակվում են: Մեր տեղեկություններով, ամբոխը հրկիզել է երկու տուն՝ Մյասնիկյան և Նալբանդյան փողոցներում: Այս պահի դրությամբ Մյասնիկյան փողոցում հրդեհը մարվել է: Նալբանդյան փողոցում գտնվող տան մոտ աշխատում են հրշեջները:
Ախալքալաքի հիվանդանոցի գլխավոր բժիշկ Ա. Թորոյանի փոխանցմամբ, նրանք ընդունել են մի վիրավորի, և մի մահացածի: Ախալքալաքի հիվանդանոցի մոտ վնասվել է մեքենա:
Նախնական տեղեկություններով, ավերածությունները սկսվել են Կուլիկամ գյուղի երիտասարդի սպանության պատճառով:
Տեղեկությունը ճշտելու համար JNEWS-ը դիմել է Վրաստանի ներքին գործերի նախարարություն: Ավելին իմանալու համար կարդացեք մեր հաջորդ նյութերը:
Ծեծկռտուք և ավերածություն Ախալքալաքում
