Օգոստոսի 1-ից Ուկրաինայում սկսել է գործել «կանաչ» և «կարմիր» գոտիների երկրների նոր դասակարգումը, որը որոշում է ինքնամեկուսացման անհրաժեշտությունը կամ արտերկրից վերադառնալուց հետո թեստ հանձնելը: Այս մասին հայտնում է «Եվրոպական ճշմարտություն» հրատարակությունը:
«Այսուհետև Ուկրաինան «կարմիր ցուցակում» ընդգրկում է այն պետություններին, որոնցում վերջին 14 օրվա ընթացքում 100 հազար բնակչին բաժին ընկնող նոր դեպքերի թիվը գերազանցում է նույն ցուցանիշը Ուկրաինայում: Կամ եթե վերջին 14 օրվա ընթացքում դրանում վարակվածների թվի աճը նախորդ 14 օրվա ընթացքում գերազանցել է 30%-ով: Ավելի վաղ Ուկրաինան հաշվի էր առնում կորոնավիրուսով ակտիվ հիվանդների թիվը 100 հազար բնակչության հաշվարկներով», – հաղորդում է հրատարակությունը:
«Կանաչ» գոտու երկրներում ընդգրկվել են Ուկրաինան, ինչպես նաև Շվեդիան, Պորտուգալիան, Խորվաթիան, Բելառուսը, Մեծ Բրիտանիան, Թուրքիան, Սլովենիան, Եգիպտոսը և Իտալիան:
«Կարմիր գոտում» ընդգրկվել է ընդամենը 127 երկիր, ներառյալ՝ ԱՄՆ-ը, Ռուսաստանը, Կանադան, Ֆրանսիան, Լեհաստանը, Դանիան, Նորվեգիան, Լիտվան, Բուլղարիան, Ադրբեջանը:
Մինչ այդ Վրաստանը ներառվում էր «կանաչ գոտու» ցուցակում: Ցուցակը վերջին անգամ թարմացվել է հուլիսի 31-ին: Ուկրաինայի Առողջապահության նախարարությունը ամեն 7 օրվա ընթացքում կթարմացնի COVID-19-ի զգալի տարածվածությամբ երկրների ցանկը:
Բոլոր նրանք, ովքեր «կարմիր գոտուց» են ժամանում Ուկրաինա, պետք է կամ 14 օրվա ընթացքում մեկուսանան, կամ 24 ժամվա ընթացքում հանձնեն ՊՇՌ թեստ, կամ էլ ժամանեն Ուկրաինայի տարածք՝ պատրաստի թեստի արդյունքներով, որը կատարվել է սահմանի հատումից ոչ ուշ, քան 48 ժամ առաջ:
Մուտք գործելիս օտարերկրացիները պետք է ունենան բժշկական ապահովագրության պոլիս: Պոլիսի հետ կապված նման պահանջը չի տարածվում օտարերկրացիների, Ուկրաինայի տարածքում մշտապես բնակվող քաղաքացիություն չունեցող անձանց, փախստական ճանաչված անձանց կամ լրացուցիչ պաշտպանության կարիք ունեցող քաղաքացիների վրա, ինչպես նաև՝ օտարերկրյա պետությունների դիվանագիտական ներկայացուցչությունների և հյուպատոսական հիմնարկների աշխատողների, պաշտոնական միջազգային առաքելությունների ներկայացուցչությունների, Ուկրաինայում հավատարմագրված կազմակերպությունների, նրանց ընտանիքի անդամների և ՆԱՏՕ-ի անդամ պետությունների զինված ուժերի զինծառայողների վրա:
