---

Այսօր Ախալքալաքի շրջանի Բեժանո գյուղում մեկնարկել է Գագիկ Վանցյանի հիշատակին նվիրված ֆուտբոլային հուշամրցաշար:

Ախալքալաքի շրջանի 40 գյուղ ստացել է մրցաշարին մասնակցելու հրավեր:

Ֆուտբոլի մրցաշարը կազմակերպել են Բեժանո գյուղի երիտասարդները: Մրցաշարը նվիրված է Գագիկ Վանցյանի հիշատակին, միջոցառման կազմակերպման և անցկացման համար ֆինանսական աջակցություն են ցուցաբերել նաև այն գյուղացիները, որոնք ներկայումս ապրում են Ռուսաստանում:

Ֆուտբոլային մրցաշարի մեկնարկից առաջ մասնակից թիմերը հարգեցին կյանքից հեռացած գյուղի բնակիչ Գագիկ Վանցյանի հիշատակը:

Ֆուտբոլիստներին ոգևորելու էին եկել ինչպես Բեժանո, այնպես էլ հարևան գյուղերի բնակիչները:

Ըստ ֆիզկուլտուրայի ուսուցիչ Խաչատուր Մկոյանի, եթե բոլոր հրավիրված թիմերը մասնակցեն, ապա առաջնությունը կտևի 2-3 օր։

Մրցաշարից հետո թիմերին կշնորհվեն գավաթներ և մեդալներ:

Բրատիսլավ Իգիթխանյան