Միացյալ Նահանգների միջազգային զարգացման գործակալությունը (USAID) Վրաստանում սկսում է բազային կրթության լայնածավալ ծրագիր, որի համար ամերիկյան կողմը հատկացրել է 7 միլիոն ԱՄՆ դոլար: Այս մասին հաղորդում են Վրաստանի կրթության նախարարության մամուլի ծառայությունից:
Նոր ծրագիրն առաջնային է համարում ինտերակտիվ ուսուցումը: Դրա նպատակն է զարգացնել գրագիտությունը, ինչպես նաև քննադատական և մաթեմատիկական մտածողության հմտությունները, օգնել դպրոցականներին հաջողությամբ լուծել իրենց առջև ծառացած մարտահրավերներն ու խնդիրները, որոնց նրանք կբախվեն իրենց կյանքի ընթացքում:
Ավելին, ծրագիրը կենտրոնացած է Վրաստանի բացարձակապես բոլոր ուսումնական հաստատությունների վրա, ներառյալ տարրական մակարդակը: Կարևոր է նաև, որ USAID նախագիծը կնպաստի շարունակական կրթության ոլորտի բարեփոխումներին և նոր դպրոցի մոդելի ներդրմանը:
Չորեքշաբթի օրը նախաձեռնությունը քննարկել են Վրաստանում ԱՄՆ դեսպան Քելլի Դեգնանը, Վրաստանում USAID առաքելության տնօրեն Փիթեր Վիբլերը և Վրաստանի կրթության նախարար Միխեիլ Չխենկելին:
Վրաստանում անցկացվում է լայնածավալ և համապարփակ կրթության բարեփոխում: Փորձագետները պատրաստել են բարեփոխումների տասը փաթեթ, որոնք ընդգրկում են բոլոր ուղղությունները: Նախատեսվում է զարգացնել ենթակառուցվածքը, ներդնել նորամուծություններ և տեխնոլոգիաներ, ներդրել բուհերի ֆինանսավորման նոր մոդել:
Բարեփոխումները կտևեն չորս տարի և կունենան նպատակ Վրաստանը վերածել կրթական կենտրոնի և տարածաշրջանում այն դարձնել առաջատար: Ինչպես նշում են USAID վրացական գրասենյակում, ԱՄՆ կառավարությունը աջակցում է բարեփոխումներին, որոնք վրացի երիտասարդներին տրամադրում է գործիքներ ՝ խթանելու ժողովրդավարական, սոցիալական և տնտեսական զարգացմանը:
