Ապրիլի 22-ին, գերմանական «DVV International – Georgia» կազմակերպության ֆինանսական աջակցությամբ, Ախալքալաքում մեծահասակների կրթության կենտրոնը կարել և անհատույց 2000 բժշկական դիմակ է փոխանցել Ախալքալաքի մունիցիպալիտետին, որը քաղաքապետարանն անվճար կբաժանի բնակչությանը:
Այս նախաձեռնությունը շատ կարևոր է, քանի որ Ախալքալաքի դեղատներում հաճախ վաճառքում դիմակ չկա: Արտակարգ դրության խստացման հետ մեկտեղ փակ տարածքներում դիմակներ կրելը պարտադիր է դարձել: Առանց դրանց հնարավոր չէ խանութներ և հասարակական այլ վայրեր մուտք գործել:
Ավելի վաղ, Ախալքալաքում ևս մեկ այլ նախաձեռնություն էր իրականացվել: Կորոնավիրուսի տարածումը կանխելու և ոչ վրացախոս բնակչությանը տեղեկատվություն տրամադրելու նպատակով, հասարակական կազմակերպությունների նախաձեռնությամբ տպագրվել են տոպրակներ, որոնք անվճար կտրամադրվեն այն բնակավայրերի խանութներին, որտեղ կոմպակտ բնակվում են էթնիկ փոքրամասնությունները:
«Երբ բնակիչները խանութում ինչ-որ բան են գնում, վաճառողը ձեռք բերված ապրանքը կտա այդ տոպրակներով, ուստի գոնե ընտանիքի մեկ անդամը տեղեկացված կլինի կորոնավիրուսի մասին: Մենք գտնում ենք, որ դա կլինի տեղեկատվության տարածման ամենահեշտ ձևերից մեկը», – ասված է «Մեսխ դեմոկրատների միություն» ՀԿ-ի հայտարարության մեջ:
Տոպրակների վրա տպագրված է հակիրճ տեղեկատվություն COVID-19-ի մասին վրացերենով և հայերենով, ինչպես նաև թեժ գծի համարը, որի միջոցով պետք է կապվել ախտանիշների առկայության դեպքում:
Տոպրակները տպագրվել են «Քաղաքացիական հասարակության զարգացման նախաձեռնություն» նախագծի շրջանակներում, որն իրականացնում են Կոնրադ Ադենաուերի (KAS) հիմնադրամը, Քաղաքացիական հասարակության ինստիտուտը (CSI), Խորհրդատվական և ուսումնական կենտրոնը (CTC), Ռազմավարական հետազոտությունների և զարգացման վրացական կենտրոնը (CSRDG) և Զարգացման և զբաղվածության կրթությունը՝ Կենտրոնի (EDEC) հետ համագործակցությամբ: Նախագիծը ֆինանսավորվում է Եվրամիության կողմից և ֆինանսավորվում է Կոնրադ Ադենաուերի հիմնադրամի կողմից:
Նախագծի շրջանակներում ընտրվել է «Մեսխ դեմոկրատների միություն» հասարակական կազմակերպությունը «Սամցխե-Ջավախքի Հաբից», որն այդ տոպրակները բաժանում է Նինոծմինդայի, Ախալքալաքի և Ախալցիխեի մունիցիպալիտետներում, այն վայրերում, որտեղ ապատեղեկատվության հավանականությունը մեծ է, այդ թվում՝ սահմանամերձ գյուղերում, հեռավոր գյուղերի և բնակավայրերի բնակիչներին:
Ախալքալաքի մունիցիպալիտետին փոխանցվել է 2000 տոպրակ:
