Ախալքալաքի ռեֆերալ հոսպիտալն արդեն 2-3 օր է անցել է աշխատանքի սահմանափակ ռեժիմի, այսինքն՝ հիվանդանոց մուտքը սահմանափակ է նրանց համար, ովքեր ուղեկցում են բժշկի օգնության կարիքն ունեցող անձանց: Եթե կարիք չկա, ուղեկցողներին թույլ չեն տալիս մտնել հիվանդանոց:

Հիվանդանոցի մուտքի մոտ չափվում է հիվանդանոց այցելող բոլորի ջերմությունը: Եթե մարդը ջերմություն ունի.

«Նրան կտրամադրվի համապատասխան բուժօգնություն հիվանդանոցում: Եթե կորոնավիրուսի ախտանիշների կասկածներ լինեն, մենք կզանգահարենք լաբորատորիա, որը կվերցնի անալիզ և պատասխանը կլինի 24 ժամվա ընթացքում: Մենք դեռ նման դեպքեր չենք ունեցել», – ասում է հիվանդանոցի մենեջեր Ալեքսան Թորոյանը:

Ինչ վերաբերում է ուղեկցող պացիենտներին, ապա միայն մեկ ծնողին են թույլատրում, եթե դա փոքր երեխա է, ինչպես նաև մեկ ուղեկցողի, եթե պացիենտը սահմանափակ կարողություններ ունի: Այլ դեպքերում, ուղեկցող անձինք պետք է սպասեն դրսում: