Վրաստանի էկոնոմիկայի և կայուն զարգացման նախարար Նաթիա Թուրնավան հաստատել է գազի բալանսը։ Փաստաթղթի համաձայն՝ Վրաստան գազի փոխանցման կանխատեսումնային ծավալը կազմում է 2.57 միլիարդ խորանարդ մետր։
2.39 միլիարդ խորանարդ մետր, կամ ամբողջ ծավալի 92.7 տոկոսը Վրաստանը ստանալու է Ադրբեջանից, այդ թվում Սոկարից 1.51 միլիարդ խորանարդ մետր, իսկ Շահ Դենիզ հանքից 873.8 միլիոն խորանարդ մետր։
169.9 միլիոն խորանարդ մետր գազ է նախատեսված ստանալ Ռուսաստանից, տեղական հայտնաբերման կանխատեսումնային ծավալը կազմել է 17.9 միլիոն խորանարդ մետր։
Ինչ վերաբերում է օգտագործմանը, ապա 2020 թվականին այսպես կոչված սոցիալական գազի կանխատեսումնային ծավալը 1.6 միլիարդ խորանարդ մետր է, այդ թվում՝ բնակչությունը սպառելու է մեկ միլիարդ խորանարդ մետր, իսկ ջերմաէլեկտրակայանները 600 միլիոն խորանարդ մետր։
