Վրաստանի Պետական անվտանգության հակակոռուպցիոն ծառայությունը հետաքննություն է սկսել իշխող «Վրացական երազանքի» Նինոծմինդայի և Ախալքալաքի մեծամասնական պատգամավոր Հենզել Մկոյանի ընտանիքին պատկանող «Մեեկի» ընկերության գործով:
Գրում է sknews.ge գործակալությունը՝ տեղեկացնելով նաև, որ այս փուլում ուսումնասիրվում են իրենց կողմից հրապարակված փաստերը:
Արդեն 7 տարի է, ինչ Ախալքալաքում և Նինոծմինդայում պետական գործակալությունները վառելիք են գնում «Վրացական երազանք»-ի մեծամասնական պատգամավորի ընտանիքին պատկանող «Մեեկի» ընկերությունից:
Նշանակալի է, որ Հենզել Մկոյանի ընտանիքին՝ եղբորն ու որդիներին պատկանող ՍՊԸ-ները Նինոծմինդայում և Ախալքալաքում տենդերները բացարձակապես շահելով՝ արդեն կես միլիոն լարի շահույթ են ստացել:
1999 թվականից Հենզել Մկոյանն անընդմեջ Վրաստանի խորհրդարան է անցնում մեծամասնական ընտրակարգով: Նա առաջադրվել է նախաձեռնող խմբի կողմից՝ 1999-ից 2008 թվականներին, իսկ հետո «Միացյալ ազգային շարժում» կուսակցության՝ 2008-2012 թվականներին: 2012-ի իշխանափոխությունից մինչ օրս Մկոյանը կրկին ներկայացնում է իշխող կուսակցությունը:
Մկոյանն այն օրենսդիրներից մեկն է, ով դեմ քվեարկեց համամասնական ընտրակարգի օրինագծին:
Ինչո՞ւ է պատգամավոր Հենզել Մկոյանը դեմ քվեարկել
Ո՞վ և ո՞ր կուսակցությանն ինչքան գումար է նվիրաբերել
Արտատպված է՝ AliqMedia-ից
