Այսօր, Ախալքալաքի մունիցիպալիտետի քաղաքապետարանի նիստերի դահլիճում ՄԱԿ-ի համաշխարհային պարենի և գյուղատնտեսության կազմակերպությունը (FAO) ներկայացրեց ENPARD3 ծրագիրը, որն իրականացվում է Ախալքալաքում:
Շնորհանդեսին ներկա էին տեղական ինքնակառավարման մարմինների ղեկավարներ, ֆերմերներ և հետաքրքրված անձինք: FAO ներկայացուցիչներին հավաքվածներին ներկայացրեց Ախալքալաքում ENPARD3 ծրագրի համակարգող Մախարե Մացուկատովը:
Հետո ENPARD3 ծրագրի ղեկավար Գիա Բիբիլեիշվիլին մանրամասն պատմեց այն նախագծի մասին, որը FAO- ն իրականացնում է Եվրամիության (EU) աջակցությամբ:
Այս ծրագիրը ENPARD ծրագրի շրջանակներում կատարվող ծրագրի երրորդ փուլն է, երկրորդն Ախալքալաքի մունիցիպալիտետում ակտիվորեն իրականացվում է և այն իրականացվում է GIPA հասարակական կազմակերպության կողմից:
ENPARD2- ը ֆինանսավորում է տարբեր ոլորտի նախագծեր, իսկ ENPARD3- ը՝ միայն գյուղատնտեսական նախագծեր:
«Մենք կաշխատենք գյուղատնտեսության ոլորտի բոլոր ուղղություններում, աջակցելով արժեքային հավելման շղթային: Առաջիկայում կսկսվի ENPARD3 ծրագրի շրջանակներում կատարվող երկրորդ նախագիծը, որը կենտրոնացած կլինի բոլոր մյուս ոլորտների վրա, բացի գյուղատնտեսությունից, ներառյալ զբոսաշրջությունը», – ասաց Գիա Բիբիլեիշվիլին:
Ըստ ծրագրի ղեկավարի, ընթացիկ նախագծի գերակա ուղղություններն են անասնապահությունը, կաթնամթերքի արտադրությունը, անասնաբուծության զարգացումը և կարտոֆիլի արտադրությունը:
«Սա չի նշանակում, որ մենք այլ հայտեր չենք դիտարկելու»:
Ծրագրի ընդհանուր բյուջեն կազմում է 6 միլիոն դոլար, և այն նախատեսված է երեք տարվա համար: Հայտերի ընդունումն արդեն սկսվել է և վերջնաժամկետը նոյեմբերի 30-ն: Նախագծերը կիրականացվեն 2020 թվականի հունվարի վերջին:
ENPARD3 ծրագրի շրջանակներում դրամաշնորհային մրցույթի մասին մանրամասն տեղեկությանը կարող եք ծանոթանալ այստեղ
