Վրաստանի խորհրդարանի իրավաբանական հարցերով կոմիտեի նիստին տեղի է ունեցել ֆիզիկական բախում:

Ընդհարումը տեղի է ունեցել անկախ պատգամավոր Էկա Բեսելիայի և մեծամասնության անդամ Վանո Զարդիաշվիլու միջև, որից հետո Էկա Բեսելիան ձեռքով հարվածել է Վանո Զարդիաշվիլուն:

Միջադեպը հետևել է Գեդևան Փոփխաձեի հայտարարությանը, երբ նա Վանո Զարդիաշվիլուն ասել է, որ նրա դիրքորոշումը և բարոյականությունն արդեն պարզ է, որից հետո Վանո Զարդիաշվիլին պատասխանել է Փոփխաձեին. «Ի՞նչ բարոյականության մասին ես խոսում, ավելի լավ է, խոսիր Բեսելիայի բարոյականության մասին»:

Հենց այս արձագանքից հետո է վրդովվել Էկա Բեսելիան:

Խորհրդարանի իրավաբանական հարցերով կոմիտեի նիստին լսում էին գերագույն դատարանի դատավորի թեկնածու Միրանդա Էրեմաձեին: