«Եվրատեսիլ 2019» երգի մրցույթի առաջին կիսաեզրափակիչը տեղի կունենա այսօր՝ Թել Ավիվում, որի ընթացքում ելույթ կունենա Վրաստանը ներկայացնող Օթո Նեմսաձեն: Շոուն կսկսվի Կենտրոնական Եվրոպայի ժամանակով՝ 21:00-ին (Թբիլիսիի ժամանակով՝ 23:00-ին):
Եվրատեսիլում Վրաստանի ներկայացուցիչ Օթո Նեմսաձեն առաջին կիսաեզրափակիչում հանդես կգա 11-րդ համարի ներքո՝ «Միշտ քայլիր առաջ» երգով:
Օթո Նեմսաձեի օգտին քվեարկելու համար երկրպագուները պետք է հետևեն այն երկրի Հանրային հեռարձակողին, որտեղ նրանք գտնվում են: Նեմսաձեի կատարման ընթացքում էկրանին կհայտնվի SMS հաղորդագրությունների և զանգերի համարները, և հեռուստադիտողները կկարողանան քվեարկել վրաց մասնակցի օգտին այդ կարճ համարներով:
Եվրատեսիլ երգի 64-րդ մրցույթն այս տարի կանցկացվի Թել Ավիվում: Կիսաեզրափակիչ փուլերն անցկացվելու են մայիսի 14-ին և 16-ին, իսկ եզրափակիչը՝ մայիսի 18-ին: Վրաստանի բնակիչները կարող են դիտել այս երաժշտական մրցույթը Վրաստանի առաջին ալիքով, ժամը 23:00-ին: