PITA երիտասարդական կենտրոնը հայտարարում է տեսանյութերի մրցույթ` «Ախալքալաքի հայտնի կինը» թեմայով: Մրցութային տեսանյութերը ընդունվում են մինչև ապրիլի 3-ը ներառյալ:
Մրցույթն իրականացվում է կանանց տոների մեկամսյակի առթիվ: Տեսանյութերի ընդունումը սկսվում է մարտի 20-ից և կտևի մինչև ապրիլի 3-ը ներառյալ: Ապրիլի 7-ին մայրության և գեղեցկության օրվա կապակցությամբ տեղի կունեա տեսանյութերի ցուցադրումը և գնահատումը՝ այս տոնին նվիրված միջոցառումների շրջանակներում:
Տեսանյութերը պետք է լինեն «Ախալքալաքի հայտնի կինը» թեմայով` 2-ից մինչև 30 րոպե տևողությամբ: Ժանրը և տեսանյութի բովանդակությունը հեղինակի հայեցողությամբ:
Մրցույթին կարող են մասնակցել բոլոր ցանկացողներն առանց որևէ սահմանափակումների:
Տեսանյութերը պետք է ուղարկվեն Viber ցանցի միջոցով` +995555025000 հեռախոսահամարով, ինչպես նաև մրցութային նյութերը պետք է ներկայացվեն թվային կրողների տեսքով (սկավառակ, ֆլեշ կրիչ), PITA երիտասարդական կենտրոնի գրասենյակ՝ ք.Ախալքալաք, Տերյան 25 հասցեով:
Լավագույն 3 աշխատանքների հեղինակները կստանան մրցանակներ և նվերներ:
Մաղթում ենք հաջողություն: