«Արդար ընտրությունների և ժողովրդավարության միջազգային հասարակության» (ISFED) զեկույցում հիշատակվում է «Akhalkalaki News» ֆեյսբուքյան էջը, որը գործում է մարտ ամսից, որն օգտագործում է «Օբյեկտիվի» հեռուստաընկերության սյուժեները, ծառայում է որպես քարոզարշավ Ախալքալաք-Նինոծմինդա շրջանների «Վրացական երազանքի» մեծամասնական պատգամավոր Հենզել Մկոյանի դեմ և ի օգուտ «Հայրենասերների դաշինքի» անդամ Սամվել Պետրոսյանի: Ըստ կազմակերպության, գոյություն ունի նույն անունով 1267 անդամանոց ֆեյսբուքյան խումբ, որի նպատակն է կիսել «Akhalkalaki News» էջում տեղադրված նյութերը:
«Արդար ընտրությունների և ժողովրդավարության միջազգային հասարակություն» հասարակական կազմակերպությունը (ISFED) հայտարարում է լայնամասշտաբ տեղեկատվական քարոզարշավի մասին՝ այս անգամ ֆեյսբուքում, հօգուտ «Հայրենասերների դաշինքի» «ռուսամետ» կուսակցության՝ այս տարվա աշնանը կայանալիք խորհրդարանական ընտրություններին ընդառաջ:
Օգոստոսի 12-ին կազմակերպության կողմից հրապարակված զեկույցի համաձայն՝ այս քարոզարշավին, բացի «Օբյեկտիվի» հեռուստաընկերության ֆեյսբուքյան էջից, որը հիմնադրվել է «Հայրենասերների դաշինքի» առաջնորդներից մեկի՝ խորհրդարանի պատգամավոր Իրմա Ինաշվիլիի կողմից, ներգրավված է նաև tinp.ge առցանց հրատարակությունը և դրա հետ կապված խմբերը:
Փաստաթղթի համաձայն՝ կուսակցության հետ կապված են նաև «համակարգվածորեն դիսկրեդիտացված» 10 Ֆեյսբուքյան էջեր, որոնց սոցիալական ցանցում տեղադրված գրառումները կիսվում են «առնվազն 12 իրական և ոչ վավեր էջերի միջոցով», իսկ էջերը անմիջապես ղեկավարվում են «հայտնի հակաարևմտյան և ռուսամետ տրամադրվածություններով» ակտիվիստ Բակուր Սվանիձեի կողմից:
ISFED-ի փոխանցմամբ՝ նման գործողություններն իրենց կողմից «որոշակի ժամանակացույցով աշխատելու տպավորություն են ստեղծում» և առաջացնում է այնպիսի զգացողություն, որ «Սվանիձեի էջերը այդ էջերում տարածելն իրենց աշխատանքային պարտավորությունն է հանդիսանում»:
Համաձայն զեկույցի՝ Սվանիձեի էջերի հիմնական ջանքերն ուղղված են «այլ ընդդիմադիր կուսակցությունների դեմ» և, ավելի քիչ չափով՝ հենց դաշինքի դրական լույսի ներքո ցուցադրելուն: Բացի այդ, նույն էջերում կարելի է հանդիպել «վարկաբեկիչ» նյութերի՝ ընդդեմ իշխող կուսակցության:
ISFED-ի դիտարկումը ցույց տվեց, որ «Tinp.ge՝ այսօր քաղաքականության մեջ» կուսակցական ինտերնետային հրապարակումը նույնպես գործում է հօգուտ «Հայրենասերների դաշինքի», որը իրեն դրսևորում է որպես անկախ լրատվամիջոց: Ըստ կազմակերպության, Tinp.ge-ում տեղադրված նյութերը հաճախ հանդիպում են կուսակցության պաշտոնական ֆեյսբուքյան էջում:
ISFED-ի փոխանցմամբ՝ գործակալության նյութերը ֆեյսբուքում տարածելու համար գոյություն ունեն «Today in politics – Այսօր քաղաքականության մեջ» և «Այսօր քաղաքականության մեջ» խմբերը, որոնք գործակալության պրոդյուսեր Օմար Մձևաշվիլիի հետ միասին վարչարարությամբ զբաղվում են նաև «Օբյեկտիվի» մեդիա միության գլխավոր պրոդյուսեր Իլիա Չաչիբաիան:
