2018 թվականին Ախալքալաքի մունիցիպալիտետում ամենաշատ խախտում գրանցվել է ավտոտրանսպորտային միջոցների կայանման կանոնների խախտման պատճառով:
Վրաստանի վարչական իրավախախտումների օրենսգիրքի 125-րդ հոդվածի 8-րդ կետը նշանակում է մունիցիպալիտետի սահմաններում ավտոտրանսպորտային միջոցների ավտոկայանման կանոնների խախտում։ Խախտումների ամենաշատ քանակ գրանցվել է 2018 թվականի սեպտեմբեր ամսին՝ 1243: Իսկ նույն հոդվածով ամենաքիչ խախտում և համապատասխանաբար տուգանք գրանցվել է ապրիլ ամսին՝ 462։ Վերոնշյալ հոդվածով 2018 թվականի ընթացքում 11 ամսվա ընթացում ընդհանուր խախտումների քանակը կազմել է 6524։
Loading…
Ախալքալաքում վարորդները բավականին շատ խախտումներ են արել տեխզննում չանցնելու պատճառով։ Վրաստանի վարչական իրավախախտումների օրենսգիրքի 118-րդ պրիմա հոդվածի համաձայն, տրանսպորտային միջոցների վարում, որը ժամանակավոր տեխնիկական զննում չի անցել կամ այդպիսի փոխադրամիջոցը փոխանցվել է այլ անձի օգտագործման կամ իրերի/անձանց տեղափոխման համար, ֆիզիկական անձանց համար տուգանքը կազմում է 50 լարի, իսկ իրավաբանական անձանց համար 200 լարի։ Վերոնշյալ հոդվածով 2018 թվականի ընթացքում 11 ամսվա ընթացում ընդհանուր խախտումների քանակը կազմել է 1536։
Loading…
Ինչպես երևում է Ներքին գործերի նախարարության վիճակագրությունում
Ախալքալաքում չի կրճատվել այն անձանց քանակը, ովքեր առանց վախենալու վարորդական իրավունք չունենալով նստել են ավտոմեքենայի ղեկին: Նմանատիպ դեպքերի քանակը Ախալքալաքում կազմել է 1152։ Տրանսպորտային միջոցի վարումը առանց վարորդական իրավունքի, ավտոմեքենայի գրանցումը հաստատող փաստաթղթի կամ այլ անձի կողմից մեքենայի օգտագործումը, ով չունի մեքենայի տիրոջ կողմից տրամադրած ժամանակավոր լիազորագիր՝ Վրաստանի վարչական իրավախախտումների օրենսգիրքի 119-րդ հոդվածի առաջի մասի համաձայն կտուգանվի 10 լարիով։
Loading…
2018 թվականին ամենաքիչ խախտում գրանցվել է Վրաստանի վարչական իրավախախտումների օրենսգիրքի 125-րդ հոդվածի 7-րդ մասով։ Հոդվածը նախատեսում է ավտոմեքենայի վարորդի կողմից երթևեկության կանոնների խախտում, կարգավորողի կամ լուսացույցների անցնելու, առավելություն շնորհող կամ արգելող նշանների խախտում, խաչմերուկների, երկաթգիծն անցնելու կանոնների խախտում, ինչպես նաև խոչընդոտ ստեղծել անցնելու առավելության համար։
Loading…
Գայանե Ակոջյան
