Ներքին գործերի նախարարության համապատասխան հրամանագրի հիման վրա, Ծառայության գործակալությունը փոփոխություններ է կատարել արտասահմանյան վարորդական վկայականների՝ վրացականով փոխարինման կարգի մեջ, որոնք ուժի մեջ են մտել այսօրվանից:
Ներքին գործերի նախարարության մամլո ծառայության տեղեկացմամբ, նոր կարգափոխումների համաձայն, արտերկրում ձեռք բերված վարորդական իրավունքի փոխարինման համար Վրաստանում անհրաժեշտ է, որ մինչև վարորդական վկայականի ստացումը քաղաքացին ապրի ՝ մեկ տարվա ընթացքում, առնվազն 185 օր այն երկրում, որտեղ տրվել է վկայականը:
Օտար պետության կողմից տրված վարորդական իրավունքի փոխարինման համար, քաղաքացին Ներքին գործերի նախարարության Ծառայության գործակալությանը պետք է ներկայացնի հետեւյալ փաստաթղթերը.
Դիմում,
Վրաստանի քաղաքացու ինքնությունը հաստատող վկայական,
Արտասահմանյան պետության կողմից տրված վարորդական վկայական,
Վարորդական իրավունքի հաստատումը՝ օրինականացված համաձայն կարգի, դադարեցված օրենքով եւ վավերականացված ապոստիլով (իրավասու մարմնի կամ պաշտոնատար անձի գրավոր դիմում կամ օտար պետության կողմից տրված վարորդական վկայականի ընդհատման կամ դադարեցման փաստը հաստատող տեղեկանք),
Առողջական վիճակի վերաբերյալ տեղեկանք,
Վարորդի վկայականը ընձեռող երկրի՝ համապատասխան իրավասու մարմնի կողմից տրված, սահմանի հատման տեղեկանք:
Ներքին գործերի նախարարության տվյալներով, սույն կարգը համապատասխանում է Եվրախորհրդարանի եւ Եվրախորհրդի (2006/126 / ԵՀ) հրահանգին եւ նպաստում է յուրաքանչյուր օտար պետության կողմից տրված վարորդական վկայականների փոխարինման գործընթացում հավասար մոտեցման ձեւավորմանը:
