Ախալքալաքի կենտրոնական այգու մանկական խաղահրապարակի սղարանը ջարդված է, ինչի պատճառով երեխաները չեն կարողանում խաղալ։
Ջարդվածը քիչ է, դրան ավելացել է նաև անձրևաջուրը, որն էլ հավաքվել է սղարանի ներքևի մասում։ Մանկական այս խաղահրապարակը տրամադրել էր Հայաստանի «Փյունիկ» մարդկային ռեսուրսների զարգացման հիմնադրամը: Խաս Բախչա այգու խաղահրապարակներին հետևող կամ պատասխանատու անձ չկա:
Ախալքալաքի ենթակառուցվածքների բաժնի ղեկավարի խոսքերով, եթե հին սղարաններին ունեցել են 2-3 տարվա երաշխիք, ապա շինարարը պարտավոր է վերականգնել, եթե անցել է այդ ժամանակահատվածը, ապա կտեղադրվի նորը։
Այգում նոր մանկական խաղահրապարակ տեղադրելու երկրորդ կոմպլեկտի համար մոտավոր 15-17 000 լարի գումար կտրամադրվի և համապատասխանաբար տարածքն էլ կմեծացվի։
«Մենք ունենք նոր ծրագիր, ըստ որի նոր սղարան և ճոճանակ պետք է տեղադրվի։ Ծրագիրը երբ կիրականացվի չեմ կարող ասել, ամեն ինչ կախված է բյուջեից», – ասաց Ախալքալաքի ենթակառուցվածքների ծառայության բաժնի ղեկավար Ալբերտ Նահատակյանը:
Գայանե Ակոջյան
