Վրաստանի կառավարության թիվ 97 որոշման համաձայն՝ ոչ վրացալեզու դպրոցների գործող ուսուցիչները (բացառությամբ ազգային փոքրամասնությունների լեզուների՝ հայերեն և ադրբեջաներեն) կպահպանեն աշխատող ուսուցչի կարգավիճակը մինչև 2022-2023 կրթական տարվա ավարտը։ Եթե մինչև ուսումնական տարվա ավարտն ավագ ուսուցչի կարգավիճակ չստանան, ապա նրանց զբաղեցրած պաշտոնի համար թափուր աշխատատեղ կհայտարարվի:
Մինչև 2023 թվականն ավագ ուսուցչի կարգավիճակ կտրամադրվի ոչ վրացալեզու դպրոցների այն գործող ուսուցիչներին (բացառությամբ ազգային փոքրամասնությունների լեզուների ուսուցիչների), որոնք բավարարում են հետևյալ պայմանները.
Մինչև 2020-2021 ուստարվա երկրորդ կիսամյակը 10-10 կրեդիտի համար պրակտիկոս ուսուցիչը հաստատել է առարկայական և մասնագիտական կարողությունները։ Եթե ուսուցիչը երկու քննությունից ստացել է 1, 4, 7 միավոր և այլ գործողությունների հիման վրա ունի ընդհանուր 14 միավոր, ապա նա հնարավորություն կունենա վերապատրաստման միջոցով հավաքել մնացած միավորները (մինչև 19 կրեդիտ):
Ուսուցչը մասնակցել է վրացերենի դասընթացի, որը կազմակերպել է Մասնագիտական կրթության ազգային կենտրոնը, կամ Զուրաբ Ժվանիայի անվան պետական կառավարման դպրոցը, կամ ուսուցիչը կներկայացնի վրացերենի իմացությունը հաստատող փաստաթուղթ: Ինչպես նաև ուսուցիչը կհաստատի առարկայական իրավասությունը (1, 4, 7 կամ 10 կրեդիտ): Այս դեպքում նրան կթույլատրվի անցնել երկարաժամկետ խորացված վերապատրաստման դասընթաց, որի բարեհաջող ավարտից հետո նրան կշնորհվի ավագ ուսուցչի կարգավիճակ։
Այն դեպքում, երբ ոչ վրացալեզու դպրոցի գործող ուսուցիչը (բացառությամբ մայրենիի ուսուցիչների) չի բավարարում վերը նշված պայմանները և չի կարող բարձրացնել կարգավիճակը մինչև 2022-2023 ուսումնական տարվա ավարտը, ապա դպրոցի տնօրինությունը 2023-2024 ուսումնական տարվա մեկնարկից մեկ ամիս առաջ պետք է թափուր աշխատատեղ հայտարարի սույն ուսուցչի պաշտոնի համար։ Թափուր տեղը չլրացնելու դեպքում՝ ելնելով անհրաժեշտությունից, դպրոցը կարող է աշխատանքի ընդունել պրակտիկոս ուսուցչի՝ մինչև թափուր տեղը լրանալը։
Ինչ վերաբերում է ազգային փոքրամասնությունների լեզուների, այսինքն՝ հայոց լեզվի ուսուցիչներին, ապա նրանց համար գործում են այլ պայմաններ։ Գործող ուսուցչի նրանց կարգավիճակը կպահպանվի մինչև 2025-2026 ուսումնական տարին, և այս տարի նույնպես կարող են գրանցվել և հանձնել առարկայական քննությունները։
Հայոց լեզվի ուսուցիչների ավագ ուսուցչի կարգավիճակ ստանալու պայմանների մասին մանրամասն կարդացեք այստեղ։
