Այսօր, առավոտյան ժամը 4:15 Նինոծմինդայի Սուրբ Սարգիս եկեղեցում լուսավորվեց Հիսուսի գերեզմանից բերված Սուրբ կրակը: Եկեղեցու խաչքավոր Վարազդատ Մարաբյանը բերել էր Երուսաղեմից կրակը, որը շաբաթ օրը վառվեց Տիրոջ Հարության տաճարում:
Վարազդատ Մարաբյանը բերեց Սուրբ կրակը օդանավով: Թբիլիսիի օդանավակայանից Սուրբ կրակը բերվեց Նինոծմինդա, որտեղ հավատացյալները և Տեր Արմաշ քահանա Պողոսյանը դիմավորեցին Սուրբ Սարգիս տաճարում և լուսավորեցին իրենց մոմերը:
Սուրբ կրակը վառվեց շաբաթ կեսօրին Կուվուկլիայում՝ Քրիստոսի Հարության տաճարում (Սուրբ գերեզման), Երուսաղեմում Սուրբ Գերեզմանի սալաքարի վրայի մատուռում: Միանալու համար Սուրբ կրակի արարողությանը, որը ամեն տարի վառվում է հավատացյալների աղոթքների շնորհիվ, Երուսաղեմում հավաքվում են տասնյակ հազարավոր քրիստոնյաներ ամբողջ աշխարհից: Սուրբ գերեզմանի վրա Սուրբ կրակի ծագման հրաշքը հայտնի է հնագույն ժամանակներից, կրակը ունի բացառիկ հատկություն, այն չի այրում առաջին մի քանի րոպեների ընթացքում:
Մոտավորապես կեսօրին Երուսաղեմի պատրիարքության բակից երթը գնում է Պատրիարքի գլխավորությամբ: Երթը մտնում է Հարության տաճար, ուղևորվում դեպի մատուռ, որը կառուցվել է Տիրոջ Գերեզմանի վրա, և երեք անգամ շրջանցելով այն, կանգնում դարպասների առջև: Տասնյակ հազարավոր ուխտավորներ ամբողջ աշխարհից լարված լռությամբ հետևում են Պատրիարքին, որին ոստիկանությունը մանրակրկիտ զննում է նրան և Տիրոջ դամբարանը, փնտրելով նույնիսկ մի բան, ինչը կարող է կրակ առաջացնել: Այնուհետեւ ծնկի եկած գերեզմանի առջև, նա աղոթում է Աստծուն ներքև ուղարկել Սուրբ կրակը: Դրանից հետո գերեզմանի մարմարե սալաքարին հայտնվում է կրակե ցող կապտագույն երանգով գնդակների տեսքով: Նորին Սրբությունը դիպչում է նրան բամբակով և այն բոցկլտում է: Այս կրակով Պատրիարքը վառում է ճրագները և մոմերը, որոնք հետո դուրս է հանում տաճարից և փոխանցում Հայոց պատրիարքին իսկ հետո ժողովրդին: Միևնույն պահին, տասնյակ հարյուրավոր լույսեր օդ են բարձրանում տաճարի գմբեթի տակից:
Սուրբ շաբաթվա պատարագը Սուրբ գերեզմանի տաճարում խորհրդանշում է Հիսուս Քրիստոսի Չարչարանքները, Թաղումը և Հարությունը: Սուրբ Լույսի դուրս գալը խորհրդանշում է Ճշմարիտ Սուրբ Լույսի ելքը, այսինքն Հարություն առած Հիսուս Քրիստոսին:
Բորիս Ղարսլյան
