Այսօր տեղի կունենա 11-րդ խորհրդարանի առաջին նիստը։ Նիստը կսկսվի ժամը 12:00-ին, այն կբացի խորհրդարանի ամենատարեց պատգամավոր Լադո Կախաձեն:
Մինչ այդ նորընտիր պատգամավորների գրանցումը կիրականացվի Կենտրոնական ընտրական հանձնաժողովի կողմից տրված ժամանակավոր մանդատների հիման վրա։
Նորակազմ խորհրդարանի նիստի օրակարգի առաջին հարցը խորհրդարանի բոլոր 150 պատգամավորների լիազորությունների ճանաչումն է։ Խորհրդարանի այսօրվա նիստում կընտրվեն խորհրդարանի նախագահն ու փոխնախագահները, ինչպես նաև հանձնաժողովների նախագահները։
Կենտրոնական ընտրական հանձնաժողովի պաշտոնական արդյունքներով 11-րդ խորհրդարան է ընտրվել հինգ քաղաքական սուբյեկտ։
«Վրացական երազանքն» ունի 89 մանդատ 150 հոգանոց խորհրդարանում։ Մնացած տեղերը բաշխվել են «Փոփոխությունների համար»
կոալիցիայի, «Միասնություն-ազգային շարժում», «Ուժեղ Վրաստան» և «Գախարիան հանուն Վրաստանի» կուսակցությունների միջև։ Ընդդիմությունը, սակայն, հայտարարում է, որ խորհրդարան մտնելու մտադրություն չունի։
