Ախալքալաքի մունիցիպալիտետում խորհրդարանական ընտրություններում հաղթեց “Վրացական երազանք” կուսակցությունը։ Այն հավաքել է ձայների մեծամասնությունը։ Ամենաշատ ձայներ հավաքել է N-27 ընտրատեղամասում՝ Բալխո գյուղում՝ 259 ձայն (97.004%), իսկ ամենաքիչը հավաքել է՝ N-47 ընտրատեղամասում՝ Հոկամ գյուղում՝ 146 ձայն (58,635%)։
“Վրացական երազանք” կուսակցությունը Ախալքալաքի գրեթե բոլոր գյուղերում հավաքել է ձայների բացարձակ մեծամասնությունը՝ 80%-ից բարձր։
Ընդիմադիր կուսակցություններից հիմնականում ամենաշատ ձայներ հավաքել են «Միասնություն-ազգային շարժում» և «Կոալիցիա փոփոխությունների համար» քաղաքական ուժերը։
«Կոալիցիա փոփոխությունների համար» ամենաշատ ձայներ հավաքել է՝ N-42 ընտրատեղամասում՝ Բեժանո գյուղում՝ 57 ձայն (12,179%)։ «Միասնություն-ազգային շարժում»-ն ամենաշատ ձայներ հավաքել է N-36 ընտրատեղամասում՝ Կարծախ գյուղում՝ 112 ձայն (29,787%)։
«Կոալիցիա փոփոխությունների համար» 0 ձայն է հավաքել N6 ընտրատեղամասում՝ Լոմատուրցխ գյուղում, N 54 ընտրատեղամասում՝ Միասնիկյան գյուղում և N 48 ընտրատեղամասում՝ Քարսեպ գյուղում։
Քարսեպ գյուղում ընտրություններին մասնակցող 18 կուսակցություններից քվեարկել են միայն «Երազանքի» և «Կոալիցիա փոփոխությունների համար» օգտին։ «Երազանքի» օգտին քվեարկել է 123 (91,111%), իսկ «Փոփոխությունների համար» կոալիցիայի օգտին քվեարկել է 12 ընտրող (8,889%)։ Այս ընտրատարածքում ոչ մի անվավեր քվեաթերթիկ չի եղել։
Համար 35 ընտրատեղամասում՝ Բուզավեթ գյուղում նույնպես քվեարկել են վերոնշյալ երկու կուսակցությունների օգտին։ «Երազանքը» հավաքել է ձայների մեծամասնությունը՝ 94 ձայն (96,907%), «Կոալիցիա փոփոխությունների համար» հավաքել է 3 ձայն (3,093%)։ Այս ընտրատեղամասում անվավեր է ճանաչվել 1 քվեաթերթիկ։
