«Վերջին 2-3 տարիների ընթացքում դրամական փոխանցումներն աղետալիորեն աճել են. այս ընթացքում Վրաստանը լքել է մոտ 244 հազար մարդ»,- նշում է BPN-ի տնտեսագետը՝ մեկնաբանելով գործազրկության անկումը։
Նրա խոսքով՝ Վրաստանում գործազրկության նվազման երկու պատճառ կա՝ տնտեսական աճը և արտագաղթի մեծացումը։
«Վրաստանում գործազրկության նվազման երկու հնարավոր պատճառ կա: Նախ, հակառակ բոլոր հավանականությունների, տնտեսությունն աճում է: Հուլիսին աճը կազմել է 13%, իսկ երբ տնտեսությունն աճում է, որքան էլ այն վերջնական հաշվով վատը լինի, աքսիոմն այն է, որ աշխատատեղերը, միևնույն է, կաճեն:
Երկրում 15 տարեկանից բարձր մարդկանց թիվը նվազել է, քանի որ մենք ունենք լուրջ միգրացիա, եթե Վրաստանի գործազուրկների մեծ մասը հեռանա, նրանք աշխատանք կփնտրեն Գերմանիայում, Լեհաստանում, Իտալիայում, Մեքսիկայով Ամերիկայում և այլն։ Աշխատանք փնտրողների թիվը կնվազի: Այստեղ կմնան քաղաքացիական ծառայողները և մասնավոր հատվածում աշխատող մարդիկ, ովքեր այսպես թե այնպես նորմալ ու կայուն աշխատանք ունեն։
Արտերկրից գործարքների թիվը մոտենում է աշխատող միգրանտների թվին: Վերջին 2-3 տարիների ընթացքում դրամական փոխանցումներն աղետալիորեն աճել են, ես հաշվարկել եմ, որ 2020 թվականին ամսական միջինում 426 հազար գործարք է եղել, հիմա միջինը 670 հազար է, այսինքն՝ գործարքների թիվն աճել է մոտավորապես 50%-ով։ Այսինքն՝ Վրաստանը լքել է մոտ 244 հազար մարդ, ավելի են քչացել 15 տարեկանից բարձր քաղաքացիները, իսկ դա նվազեցրել է գործազուրկների թիվը»,- ասել է Գիվի Մոմցելիձեն։
Տեղեկության համար նշենք, որ այս տարվա երկրորդ եռամսյակում Վրաստանում գործազրկության մակարդակը նվազել է մինչև 13,7 տոկոս։
Ըստ «Սաքստատ»-ի տվյալների՝ նույն ժամանակահատվածում աշխատուժը գերազանցել է 1,6 միլիոն մարդ, զբաղվածների թիվը կազմել է ավելի քան 1,38 միլիոն մարդ, իսկ աշխատողների թիվը՝ 935,8 հազար մարդ։
