Հաշվի առնելով հանրային բարձր հետաքրքրությունը՝ ընտրական վարչությունը լրացուցիչ պարզաբանում է տալիս Վրաստանի Կենտրոնական ընտրական հանձնաժողովի որոշման հետ կապված, որը վերաբերում է ընտրատեղամասային հանձնաժողովի անդամների գործառույթների որոշման վիճակահանությանը։
Վրաստանի ԿԸՀ-ի տվյալներով՝ ինչպես էլեկտրոնային ընտրատեղամասերում, այնպես էլ այն տեղամասերում, որտեղ քվեարկությունն իրականացվում է ավանդական եղանակով, տեղամասային ընտրական հանձնաժողովի անդամների գործառույթներն որոշելու համար վիճակահանությունը պետք է անցկացվի քվեարկությունից ոչ ուշ, քան 7 օր առաջ։
ԿԸՀ-ն պարզաբանում է այս փոփոխության ընդունման անհրաժեշտությունը.
«Ընտրությունների օրն ընտրատեղամասում առավոտյան ընթացակարգերը որոշակի ժամանակ են պահանջում, և կարևոր է, որ ընտրատեղամասը պատրաստ լինի ընդունելու առաջին ընտրողին։
Կարևոր էր ապահովել միատեսակության սկզբունքը, որպեսզի ինչպես տեխնոլոգիական, այնպես էլ ավանդական ընտրատեղամասերում վիճակահանություններն իրականացվեն միատեսակ։ Տարբեր ժամանակներում վիճակահանության անցկացումը կհանգեցնի անհամապատասխանության և կարող է խանգարել ընտրական գործընթացի կանոնավոր անցկացմանը։
Մենք ևս մեկ անգամ հայտարարում ենք, որ բարձր մասնագիտական մակարդակով, միջազգային չափանիշներին համապատասխան ընտրությունների անցկացումն ընտրական վարչակազմի հիմնական նպատակն է, և վարչակազմի բոլոր որոշումներն ու գործողությունները ծառայում են այդ նպատակին։ Միաժամանակ հիշեցնում և խրախուսում ենք շահագրգիռ կողմերին հաշվի առնել, որ ընտրություններն ընդհանուր գործ է և անհիմն հայտարարություններով չվնասել նախընտրական միջավայրը»,- ասված է ԿԸՀ-ի տարածած տեղեկատվության մեջ։
