![](https://jnews.ge/am/wp-content/themes/jnews-2.3/images/animal.png)
Վրաստանի ներքին գործերի նախարարության (ՆԳՆ) փոխանցմամբ՝ երկրի ողջ տարածքում մեծ քանակությամբ թմրամիջոցի հայտնաբերման և իրացման դեպքեր են բացահայտվել։
Ըստ ՆԳՆի-ի՝ հայտնաբերվել է 52 կգ «կոկաին» տեսակի թմրամիջոց, որը գաղտնի տեղադրվել է բանանով բեռնված ծովային կոնտեյների մեջ և նախատեսվում էր Էկվադորից Վրաստանի տարածքով տեղափոխել Եվրոպա:
Ոստիկանները հայտնաբերել են նաև ինտերնետ-խանութ, որը «սև շուկայի» ավելի քան 50 տոկոսն է մատակարարել: Անձը, որի բնակելի տան խուզարկությամբ հայտնաբերվել է մինչև 4 կիլոգրամ «կոկաին», 27 հազար հատ թմրամիջոց «Էքստազի» հաբ և 10 կիլոգրամ թմրամիջոց MDMA, ձերբակալվել է:
Հանցագործության բացահայտման ժամկետների մասին քրեական ոստիկանության գլխավոր վարչության պետը չի խոսել, սակայն, նրա պարզաբանմամբ, «վերջին ժամանակահատվածում ձեռնարկված օպերատիվ միջոցառումների և քննչական գործողությունների արդյունքում՝ թմրանյութերի հանցագործությունների մեղադրանքով 77 անձ է ձերբակալվել, այդ թվում՝ 23 թմրավաճառ»։
Հետաքննությունն անցկացվում է Վրաստանի քրեական օրենսգրքի 260-րդ և 262-րդ հոդվածներով։ Թմրամիջոցների համար նախատեսված հանցագործությունները պատժվում են մինչև 20 տարի ժամկետով կամ ցմահ ազատազրկմամբ։