31 հոգի բերման է ենթարկվել, ովքեր Տավուշի մարզի Կիրանց գյուղի մոտ փակել են ճանապարհը՝ ի նշան բողոքի այդ տարածքում սահմանազատման որոշման դեմ, ինչի արդյունքում չորս գյուղ փոխանցվել է Ադրբեջանին։
ՆԳՆ-ի մամուլի ծառայությունից հայտնում են, որ նրանք բոլորը բերման են ենթարկվել իշխանության ներկայացուցչի օրինական պահանջները չկատարելու մեղադրանքով։ Բուն Կիրանցում այս պահին մեծ թվով ոստիկաններ են կենտրոնացված։
Տավուշի սահմանամերձ գյուղերի բնակիչները ապրիլի 19-ից բողոքի ակցիա են իրականացնում Հայաստան-Վրաստան միջպետական ճանապարհին։ Նրանք դեմ են Երևանի և Բաքվի միջև համաձայնեցված սահմանազատման տարբերակին։
