Տնտեսություն Տեղական ինքնակառավարում

Ախալքալաքի բյուջեի չորրորդ փոփոխությունը

---

Սակրեբուլոյի պատգամավորներն երեկ՝ ապրիլի 26-ին, հաստատեցին մունիցիպալիտետի 2024 թվականի բյուջեի չորրորդ փոփոխությունը։ Փոփոխությունների գումարը կազմում է 363 136 լարի։ Նիստի օրակարգում կար եւս երկու հարց, որոնց նույնպես պատգամավորները հավանություն տվեցին։

Բյուջեի փոփոխություններով միջոցներ հատկացվեցին.

• Հավելյալ տարածքի գնում թիվ 1 մանկապարտեզի ընդլայնման և այս տարածքում շենքն ապամոնտաժելու համար՝ 104 900 լարի։
• Աղմաշենեբելի փողոցում զբոսայգու կառուցման համար՝ 80,360 լարի
• Տարբեր տեխնիակյի վարձակալության համար, որոնք կաշխատեն մունիցիպալիտետում մեկ տարի՝ 100 000 լարի
• Ղադոլար, Ալաստան, Տուրցխ, Կոթելիա, Դադեշ գյուղերի արհեստական ջրամբարների վերանորոգման համար՝ 10 000 լարի:
• Ախալքալաքի սակրեբուլոյի և քաղաքապետարանի շենքերի մուտքի մոտ ազգային դրոշը տեղադրելու համար՝ 30,000 լարի:
• Մունիցիպալիտետում փեյնթբոլ խաղ անցկացնելու համար (սա թիմային խաղ է՝ օգտագործելով մարկերներ, նրանք կրակում են ներկի գնդակներ, որոնք կոտրվում են, երբ հարվածում են խոչընդոտին և ներկում այն)՝ 4500 լարի:
• Հաստատվեց նաև 33,376 լարի գումար, հատուկ տեխնիկայի, որոնք մունիցիպալիտետը ստացել է, (2 վարորդի և մեկ բանվորի) վրա աշխատող երեք, նոր աշխատողների աշխատավարձ։

Պատգամավորները հաստատեցին նաև մունիցիպալիտետին պատկանող օբյեկտների ցանկը, որոնք աճուրդի են հանվելու վաճառքի նպատակով։

Օրակարգի երրորդ հարցը վերաբերում էր Ախալքալաքի մունիցիպալիտետի սակրեբուլոյի «Ախալքալաքի հաշվեկշռում գտնվող ամորտիզացված ոչ ֆինանսական ակտիվները դուրս գրելու և գույքի իրացման կարգի մասին» որոշման փոփոխություններին:

Օրակարգային հարցերը պատգամավորներին ներկայացրեցին քաղաքապետարանի ֆինանսական ծառայության պետ Կարեն Մերգելյանը, Ախալքալաքի քաղաքապետարանի աշխատակազմի տնտեսական զարգացման և ունեցվածքի ծառայության պետ Մնացական Փամբուխչյանը և Ախալքալաքի քաղաքապետարանի վարչակա-իրավական հարցերի իրավաբանական ծառայության վարչության պետ Թեյմուրազ Մանվելյանը։