Օգոստոսի 27-ին Ախալքալաքի մունիցիպալիտետի սակրեբուլոն հաստատեց պետական «Օգնություն գյուղին» ծրագրի շրջանակներում տրվող 17 գյուղի լրացուցիչ ֆինանսավորման վերջին փաթեթը։ Տեղական բյուջեից հատկացված միջոցների ընդհանուր գումարը կազմում է 498 570,7 լարի։

Սա լրացուցիչ ֆինանսավորման արդեն երրորդ և վերջին փուլն է։ Հատկացված միջոցները հնարավորություն կտան ավարտին հասցնել, մունիցիպալիտետի գյուղերի բնակիչների կողմից, «Օգնություն գյուղին» ծրագրի շրջանակներում ընտրված ենթակառուցվածքային ծրագրերի իրականացումը։

Ախալքալաքի մունիցիպալիտետում «Օգնություն գյուղին» ծրագրի շրջանակներում աշխատանքները շարունակվում են։ Տենդերների մեծ մասն արդեն հայտարարված է։ Բնակչության կողմից ընտրված ծրագրերն ավարտին հասցնելու նպատակով, Ախալքալաքի մունիցիպալիտետի քաղաքապետարանը, երեք փուլով, գյուղերին հատկացրեց լրացուցիչ ֆինանսավորում։

Առաջին փուլում պատգամավորները հաստատել էին 27 գյուղերի լրացուցիչ ֆինանսավորում՝ ընդհանուրը 830 478 լարիի չափով։ Այնուհետև նմանատիպ աջակցություն հաստատվել էր ևս 19 գյուղի համար՝ 478 590 լարիի չափով։ Օգոստոսի 27-ին հաստատվեց վերջին փաթեթը՝ 17 գյուղի համար, ընդհանուրը 498 570,7 լարիի չափով։

Գործող կանոնների համաձայն, մունիցիպալիտետն իրավունք ունի տեղական բյուջեից գյուղերին լրացուցիչ հատկացնել պետական ծրագրով նախատեսված գումարի մինչև 200%-ի չափով միջոցներ։ Սա հնարավորություն կտա ամբողջությամբ ավարտին հասցնել գյուղերի բնակիչների կողմից ընտրված ծրագրերը։

Գյուղերի ցանկը և լրացուցիչ ֆինանսավորման չափը

• Բոզալի — հիմնական 10 000 լարիին լրացուցիչ հատկացվել է 19 941,98 լարի։
• Բուզավետ — հիմնական 10 000 լարիին լրացուցիչ հատկացվել է 20 000 լարի։
• Բուռնաշեթ — հիմնական 16 000 լարիին լրացուցիչ հատկացվել է 32 000 լարի։
• Գոգաշեն — հիմնական 12 000 լարիին լրացուցիչ հատկացվել է 23 066,84 լարի։
• Դավնիա — հիմնական 10 000 լարիին լրացուցիչ հատկացվել է 20 000 լարի։
• Էրինջա — հիմնական 10 000 լարիին լրացուցիչ հատկացվել է 19 468,72 լարի։
• Վաչիան — հիմնական 20 000 լարիին լրացուցիչ հատկացվել է 39 895,09 լարի։
• Թախչա — հիմնական 1 000 լարիին լրացուցիչ հատկացվել է 19 861,71 լարի։
• Կոթելիա — հիմնական 16 000 լարիին լրացուցիչ հատկացվել է 32 000 լարի։
• Կուլիկամ — հիմնական 20 000 լարիին լրացուցիչ հատկացվել է 40 000 լարի։
• Լոմատուրցխ — հիմնական 12 000 լարիին լրացուցիչ հատկացվել է 23 865,54 լարի։
• Մյասնիկյան — հիմնական 10 000 լարիին լրացուցիչ հատկացվել է 20 000 լարի։
• Պտենա — հիմնական 12 000 լարիին լրացուցիչ հատկացվել է 31 524,41 լարի։
• Սուլդա — հիմնական 16 000 լարիին լրացուցիչ հատկացվել է 54 916,09 լարի։
• Խավեթ — հիմնական 12 000 լարիին լրացուցիչ հատկացվել է 23 325,24 լարի։
• Խանդո — հիմնական 20 000 լարիին լրացուցիչ հատկացվել է 40 000 լարի։
• Ափնիա — հիմնական 10 000 լարիին լրացուցիչ հատկացվել է 39 705,08 լարի։

Այսպիսով, տեղական բյուջեից հատկացված լրացուցիչ ֆինանսավորումը պետք է հնարավորություն տա ավարտին հասցնել «Օգնություն գյուղին» ծրագրի շրջանակներում գյուղերի բնակիչների կողմից ընտրված ենթակառուցվածքային ծրագրերը։