---

Վրաստանի արտահանումը հունվար-մարտին կազմել է 1,3 մլրդ ԱՄՆ դոլար, ինչը 9,3%-ով պակաս է 2023 թվականի նույն ժամանակահատվածի համեմատ։ Այս մասին են վկայում Վրաստանի Ազգային վիճակագրական ծառայության տվյալները։

Վիճակագրությունն արտացոլվել է պղնձի հանքաքարի և խտանյութերի արտահանման հսկայական անկմամբ։ Երեք ամսում դրանք արտահանվել են 12 մլն դոլարի չափով, ինչը 94 տոկոսով պակաս է նախորդ տարվա հունվար-մարտի ցուցանիշից։

Արտահանման լավագույն տասնյակը՝ հիմնված 2024 թվականի հունվար-մարտի արդյունքների վրա.

• ավտոմեքենաներ՝ 443 մլն ԱՄՆ դոլար, աճը 8%,
• գինի՝ 84 մլն ԱՄՆ դոլար, աճը 48%,
• ֆեռոհամաձուլվածքներ՝ 72,5 մլն ԱՄՆ դոլար, անկումը 11%,
• թունդ ալկոհոլային խմիչքներ՝ 57 մլն դոլար, 43% ավելի,
• թանկարժեք մետաղների հանքաքարեր և խտանյութեր՝ 40 մլն դոլար, 140% աճ,
• հանքային ջրեր ՝ 37 մլն ԱՄՆ դոլար, աճը 40%,
• ազոտական պարարտանյութեր՝ 34 մլն դոլար, 39% անկում,
• դեղորայք՝ 29 մլն ԱՄՆ դոլար, աճը՝ 50%,
• գազավորված ըմպելիքներ՝ 24 մլն դոլար, 11%-ոց աճ,
• շապիկներ՝ 23 մլն դոլար, 11%-ոց աճ։

Վրաստան ներմուծումը նախորդ տարվա համեմատ նվազել է 5,3%-ով՝ հասնելով 3,3 մլրդ դոլարի։

Վրաստանի ընդհանուր արտաքին առևտրաշրջանառությունը հունվար-մարտին կազմել է գրեթե 4,7 մլրդ դոլար (անկումը՝ 6,5%)։ Արտաքին առևտրի բացասական հաշվեկշիռը 2024 թվականի առաջին երեք ամիսներին գերազանցել է 2 մլրդ դոլարը։

Վրաստանի խոշորագույն առևտրային գործընկերների թվում հունվար-մարտ ամիսներին Թուրքիան զբաղեցրել է առաջին տեղը։ Նրա հետ ապրանքաշրջանառության ծավալը կազմել է գրեթե 722 մլն դոլար։ Դա 5,6%-ով ավելի է նախորդ տարվա նույն ժամանակահատվածի համեմատ։

Երկրորդ տեղում Ռուսաստանն է: Վրաստանի և Ռուսաստանի միջև ապրանքաշրջանառությունը կազմել է գրեթե 620 միլիոն դոլար, ինչը 7 տոկոսով պակաս է 2023 թվականի նույն ցուցանիշից։

Չինաստանը զբաղեցրել է երրորդ տեղը։ Նրա հետ ապրանքաշրջանառությունը գերազանցել է 330 մլն դոլարը, ինչը 12%-ով պակաս է նախորդ տարվա տվյալներից։ Դրան հաջորդում են ԱՄՆ-ը (ավելի քան 328 մլն ԱՄՆ դոլար), Ադրբեջանը (ավելի քան 298 մլն ԱՄՆ դոլար) և Ղրղզստանը (ավելի քան 237 մլն ԱՄՆ դոլար)։