«Քաղաքացիական հավասարության հարթակի» նախաձեռնությամբ Ախալքալաքի մունիցիպալիտետում կանցկացվի կանացի հիվանդությունների անվճար ախտորոշում։ Այս փուլում Ախալքալաքի Մեծահասակների կրթության կենտրոնում տեղի կունենա հանդիպում՝ կանանց սկրինինգային ծրագրի մասին իրավիճակը վերլուծելու և իրազեկելու նպատակով։
Ծրագիրն ուղղված է այնպիսի հիվանդությունների ախտորոշմանը, ինչպիսիք են կրծքագեղձի քաղցկեղը, վահանաձև գեղձի խնդիրները և այլն։ «Կանանց առողջապահական ծառայությունների հասանելիության ապահովում և խթանում» նախագիծը տեղի կունենա Սամցխե-Ջավախքում և մասնավորապես Ախալցիխեում, Ախալքալաքում և Նինոծմինդայում: Ծրագրում ընդգրկված են նաև որոշ գյուղեր։ Առաջին փուլում Ախալքալաքի բնակիչները կսովորեն, թե ինչպիսի բժշկական ծառայություններ են հասանելի կանանց, ինչպես բացահայտել հիվանդությունները վաղ փուլում, պլանավորել արդյունավետ բուժման և սկրինինգային ծրագրերը և այլն: Եթե առաջին փուլում կազմակերպվի տեղեկատվական հանդիպում, ապա երկրորդ փուլը կներառի ծառայությունների մատուցումը և տարաբնույթ ուսումնասիրությունների անցկացումը 25-70 տարեկան տարիքային խմբի համար։
«Քաղաքացիական հավասարության հարթակը և իմ «Generation I» կազմակերպությունը Սամցխե-Ջավախքում սկրինինգային ծրագիր ենք իրականացնում: Քվեմո Քարթլիում այս ծրագիրն արդեն գործում է: Առաջին փուլում մենք կգանք տեղեկատվական արշավի, որպեսզի կանանց պատմենք, թե ինչ ենք մենք պլանավորում անել, թե ինչպես է իրականացվելու սկրինինգը, ինչ տարիքային խմբեր կարող են մասնակցել, ինչ է նշանակում սկրինինգ ծրագիր՝ սա կանանց հետազոտություն է, սա կրծքագեղձի հետազոտություն է, վահանաձև գեղձի հետազոտություն կանանց համար։ Այս ծրագիրը անվճար է բոլորի համար։ Շահառուների հետ պայմանավորվել ենք Վրաստանի պետական սքրինինգային կենտրոնի հետ տեղեկատվական արշավից հետո, երկրորդ փուլում, որը կլինի ինչ-որ մի տեղ ապրիլին, երբ մենք հստակ կիմանանք շահառուների թիվը՝ կանայք, ովքեր կմասնակցեն այս ծրագրին: Ապրիլին մամոգրաֆիայի շարժողական մեքենան կժամանի, այն կտեղակայվի մի քանի վայրերում»,- ասում է բժիշկ և ծրագրի հեղինակներից Մարի Միկոյանը։
Ախալքալաքում հետազոտությունները կիրականացվեն հենց քաղաքում, ինչպես նաև Վաչիան և Կարտիկամ գյուղերում։ Ծրագրին մասնակցել ցանկացող կանանց խմբերին անհրաժեշտության դեպքում տրամադրվում է նաև տրանսպորտ, եթե նրանք չեն բնակվում Ախալքալաքում կամ ծրագրում ընդգրկված գյուղերում։
Ծրագրի առաջին փուլը կսկսվի Ախալքալաքում փետրվարի 28-ին՝ ժամը 14:00-ին, Ախալքալաքի Մեծահասակների կրթության կենտրոնում, նաև Վաչիան և Կարտիկամ գյուղերում:
«Կանանց առողջապահական ծառայությունների ընդլայնված հասանելիության ապահովում և պաշտպանություն» նախագիծն իրականացվում է ԱՄՆ ՄԶԳ «Միասնություն բազմազանության մեջ» ծրագրի շրջանակներում, որն իրականացվում է Վրաստանի ՄԱԿ-ի ասոցիացիայի կողմից՝ ԱՄՆ Միջազգային գործերի գործակալության ֆինանսական աջակցությամբ։
Մանրամասն տեղեկությունների համար կարող եք զանգահարել հետևյալ հեռախոսահամարով՝ 595562505
