Ախալքալաքի մունիցիպալիտետի բյուջեի եկամտային մասը հիմնականում բաղկացած է կենտրոնական բյուջեի հարկային եկամուտներից, դրամաշնորհներից և սեփական եկամուտներից: Ընդհանուր առմամբ, Ախալքալաքի բյուջեով նախատեսված է 18,684,400 լարի եկամուտ, որից միայն 2,270,000 լարին է սեփական եկամուտների մասնաբաժինը։ Jnews-ը ուսումնասիրել է մունիցիպալիտետի սեփական եկամուտները:
Նշենք, որ 2024 թվականին նախատեսվում է ստանալ ավելի քան 200 հազար լարիով ավելի սեփական եկամուտ, քան նախորդ տարի։ Այսպիսով, եթե «Այլ եկամուտներ» սյունակում, որը համընկնում է սեփական եկամուտների հետ, անցյալ տարի կար 2 035 000 լարի, ապա 2024 թվականին՝ 2 270 000 լարի է։
Սեփական եկամուտը բաղկացած է երեք հիմնական կետերից՝ «Եկամուտ սեփականությունից», «Ծառայությունների և ապրանքների վաճառքից» և «Տուգանքներ, պատժամիջոցներ և տույժեր»:
«Սեփականությունից եկամուտը» ներառում է.
Այս կետը ներառում է բոլոր բնական ռեսուրսները, ներառյալ ավազը, մանրախիճը և այլն:
Նույնքան մուտքեր են եղել նախորդ տարի՝ 2023 թվականին: Այս գումարը ներառում է նաև հիդրոէլեկտրակայանների օգտագործման վարձավճարները։
«Ծառայությունների և ապրանքների վաճառքը» ներառում է «Վարչական դրամահավաքներ և հարկեր», որն այս տարի 768,000 լարիից հասել է 868,000 լարիի։ Իր հերթին, այս կետը ներառում է.
Նույն թիվն էր նախորդ տարի: Սակայն, հաշվի առնելով, որ զինկոմիսարիատը փոխանցվել է ՊՆ հաշվեկշռին, քաղաքապետարանի տեղեկություններով, այդ գումարը կուղղվի՞ մունիցիպալ բյուջե, թե ոչ՝ դեռ հայտնի չէ։
Վարչական վճարների առյուծի բաժինը՝ 800,000 լարին, բաժին է ընկնում խաղային բիզնեսից ստացվող եկամուտներին.
Հարկ է նշել, որ նախորդ տարի այդ գումարը կազմում էր 700 հազար լարի։ Սա զարմանալի չէ, ամեն տարի Ախալքալաքում ավելի ու ավելի շատ խաղային հաստատություններ են հայտնվում։
«Տուգանքներ, պատժամիջոցներ և տույժեր» եկամուտների կետով նախատեսված է 450 000 լարի: Նախորդ տարվա համեմատ տվյալ եկամուտը նախատեսվում է ավելացնել 25000 լարիով։ Սա հիմնականում եկամուտն է ապօրինի շինարարության համար տուգանքներից, մեքենա վարելու կանոնները խախտելու տուգանքներից և այլն։
