Մառնեուլիի մունիցիպալիտետում բնակվող կնոջը մեղադրանք է առաջադրվել ամուսնության հարկադրելու համար։ Դատախազների խոսքով՝ կինը ստիպել է 14-ամյա աղջկան ամուսնանալ այն տղամարդու հետ, ում ընտանիքն նրան ընտրել է որպես ամուսին։
«Ամբաստանյալը, հիմք ընդունելով գենդերային խտրականության վրա հիմնված անհանդուրժողականությունը, համարելով, որ անչափահասի կարծիքը նշանակություն չունի, սիստեմատիկ կերպով հարկադրել է իր 14-ամյա դստերն ամուսնանալ իր ընտանիքի կողմից ընտրված տղամարդու հետ», – հայտնում են գերատեսչությունից։
Ինչպես հաղորդվում է՝ դեռահասը փախել է տնից՝ խուսափելու հարկադիր ամուսնությունից:
Իրավապահները կնոջը բերման են ենթարկել հոկտեմբերի 31-ին։ Դատախազությունը պահանջել է նրա նկատմամբ որպես խափանման միջոց կիրառել կալանքը։
