«Ֆրանսիան որոշել է Կիևին հեռահար հրթիռներ փոխանցել՝ ուկրաինական հակահարձակմանն աջակցելու նպատակով», – այսօր Վիլնյուսում հայտարարել է Ֆրանսիայի նախագահ Էմանյուել Մակրոնը։
«Հաշվի առնելով ուկրաինական հակահարձակման շուրջ ստեղծված իրավիճակը, ես որոշել եմ մեծացնել ուկրաինացիներին փոխանցվող սպառազինության և տեխնիկայի ծավալը։ Դա թույլ կտա ուկրաինացիներին առավել արդյունավետորեն պաշտպանել իրենց տարածքը»,- լրագրողների հետ զրույցում նշել է Մակրոնը։
Ֆրանսիական աղբյուրների փոխանցմամբ՝ խոսքը SCALP մակնիշի «օդ-ցամաք» տեսակի հրթիռների մասին է, որոնց գործարանային տարբերակի հեռահարությունը հասնում է 250, իսկ արդիականացվածինը՝ 500 կիլոմետրի։
