Քարսեպն Ախալքալաքի հեռավոր, փոքր գյուղերից է, որտեղ ենթակառուցվածքները դեռևս վատ վիճակում են։ Գյուղից դեռ չհեռացած փոքրաթիվ երիտասարդների միակ հավաքատեղին գյուղի ակումբն է, որը նույնպես անմխիթար վիճակում է։ Այս տարի որոշվել է վերանորոգել ակումբը։
Օրերս Ախալքալաքի քաղաքապետարանը մրցույթ է հայտարարել Քարսեպի գյուղական ակումբի վերանորոգման համար։ Մրցույթի նախնական գինը 58 461 լարի է կազմում։ Առաջարկների ընդունումն ավարտվում է հուլիսի 3-ին։ Վերանորոգումը պետք է իրականացվի պայմանագիրը կնքելուց հետո, 60 օրվա ընթացքում:
Մրցութային փաստաթղթերում ասվում է, որ կներկվի շենքի ճակատային հատվածը, կապամոնտաժվի հատակն ու բեմը, կտեղադրվեն նոր դռներ, կապամոնտաժվի և կփոխվի տանիքը, ինչպես նաև առաստաղը։ Հատակը ծածկելու են ցեմենտով և լինոլեումով։
