Պետական անվտանգության ծառայության հաղորդմամբ, Ռուսաստանի օկուպացիոն ուժերի ներկայացուցիչները Քարելիի մունիցիպալիտետի Դվանի գյուղի մերձակա օկուպացված տարածքում ապօրինի ձերբակալել են Վրաստանի երկու քաղաքացու։
Ըստ ՊԱԾ-ի՝ միջադեպի մասին անմիջապես տեղեկացվել են միջազգային գործընկերները և Ժնևում միջազգային քննարկումների համանախագահները։
«Ապրիլի 30-ին Ռուսաստանի օկուպացիոն ուժերի ներկայացուցիչները Քարելիի մունիցիպալիտետի Դվանի գյուղի մոտ գտնվող օկուպացված տարածքում ապօրինի ձերբակալել են Վրաստանի երկու քաղաքացու։ Նշված միջադեպի մասին տեղեկությունը ստանալով՝ Պետական անվտանգության ծառայությունը ակտիվացրել է ԵՄ դիտորդական առաքելության կողմից գործարկվող թեժ գիծը։ Միջադեպի մասին անմիջապես տեղեկացվել են միջազգային գործընկերները և Ժնևի միջազգային քննարկումների համանախագահները։ Գործարկվել են բոլոր գործող մեխանիզմները՝ ապօրինի բերման ենթարկված անձանց հնարավորինս սեղմ ժամկետներում ազատ արձակելու համար։ Վրաստանի օկուպացված տարածքներում, ինչպես նաև օկուպացիոն գծի երկայնքով կատարված բոլոր կործանիչ գործողությունների պատասխանատվությունը կրում է օկուպացիոն տերությունը»,- ասված է ՊԱԾ-ի հայտարարության մեջ։
