«Օտարերկրյա գործակալների մասին» օրենքն ընդունելու դեպքում մեծ վտանգ կա վերանայելու այն դրամաշնորհները, որոնք պետությունը ստանում է տարբեր նախագծերի իրականացման համար»,- ասել է ԵՄ-Վրաստան Խորհրդի գլխավոր քարտուղար Սանդրո Ճումբուրիձեն։
Նրա խոսքով՝ «Վրացական երազանքի» իշխանության գալուց ի վեր, այսինքն՝ 2013 թվականից ի վեր, Վրաստանը դոնորներից 3,943 միլիարդ լարիի դրամաշնորհ է ստացել։
2023 թվականին տարբեր միջազգային կազմակերպություններից ու ֆինանսական կառույցներից նախատեսվում է դրամաշնորհների տեսքով ստանալ 279 550 000 լարի։ Այս միջոցները կուղղվեն այնպիսի ծրագրերի իրականացմանը, ինչպիսիք են դպրոցների վերակառուցումը, էներգետիկայի ոլորտի բարեփոխումը, ջրամատակարարումը տարբեր ոլորտներում, մասնագիտական կրթության ծրագիրը և խոշոր հիդրոէլեկտրակայանների վերականգնումը:
