«2022 թվականին միջազգային ճանապարհորդություններից ստացված եկամուտը գերազանցել է 2019 թվականի տվյալները և կազմել ռեկորդային 3,516,634,479 դոլար, ինչը 107,6%-ով գերազանցում է 2019 թվականի նույն ցուցանիշը (+247,980,410 դոլար)»,- ասվում է Զբոսաշրջության ազգային վարչության հաղորդագրության մեջ։
Գերատեսչության տվյալներով՝ 2021 թվականի համեմատ միջազգային զբոսաշրջության եկամուտներն աճել են +2,271,692,761 (+182,5%) դոլարով։
«Ինչ վերաբերում է զբոսաշրջության վերականգնման դինամիկային, ապա 2022 թվականին Վրաստան է այցելել 5,4 միլիոն միջազգային ճանապարհորդ։
2022 թվականին, 2019 թվականի համեմատ, վերականգնվել է միջազգային զբոսաշրջիկների այցելությունների 71.9%-ը, իսկ միջազգային ճանապարհորդների այցելությունները՝ 58%-ը։
Անցյալ տարի ընդհանուր առմամբ Վրաստան է այցելել 5,426,903 օտարերկրյա զբոսաշրջիկ, ինչը +188,5 տոկոսով ավելի է, քան 2021 թվականին։
2022 թվականին երկիր կատարվել է 3,652,949 միջազգային զբոսաշրջային այցելություն, ինչը +131,6%-ով ավելի է 2021 թվականի նույն ժամանակահատվածի համեմատ։
2022 թվականի դեկտեմբերն աչքի ընկավ զբոսաշրջության վերականգնման դինամիկայով։ Այս ընթացքում Վրաստան է այցելել 564 656 օտարերկրյա զբոսաշրջիկ, ինչը 84,6%-ով ավելի է 2019թ.-ի համեմատ, իսկ 2021թ.-ի համեմատ աճը կազմում է +216,9%»,- ասվում է Զբոսաշրջության վարչության հաղորդագրության մեջ։
2022 թվականի դեկտեմբերին հանրապետություն է իրականացվել 304 616 միջազգային զբոսաշրջային այցելություն, ինչը 97,6%-ով ավելի է 2019 թվականի համեմատ, իսկ 2021 թվականի համեմատ աճը կազմել է +110,7%։
