Վրաստանի կրթության և գիտության նախարար Միխեիլ Չխենկելին հանդիպել է Իվանե Ջավախիշվիլիի անվան Թբիլիսիի պետական համալսարանի ռեկտորի պաշտոնակատար Ջաբա Սամուշիային, Տեխնիկական համալսարանի ռեկտոր Դավիթ Գուրգենիձեին, Իլիայի պետական համալսարանի ռեկտոր Նինո Դոբորջգինիձեին, Թբիլիսիի պետական բժշկական համալսարանի ռեկտոր Զուրաբ Օրջոնիկիձեին և Սուխումիի պետական համալսարանի ղեկավարության հետ: Նախարարը խորհրդակցություն է անցկացրել ուսանողների համար հանրակացարաններ կառուցելու թեմայով:
Աշխատանքային հանդիպման ընթացքում նախարարը քննարկել է բոլոր այն հնարավորությունները, որոնք կնպաստեն գործընթացի արագացմանը։ Միխեիլ Չխենկելիի խոսքով՝ կարևոր է, որ նշված խնդիրն իրականացվի ուսանողների առավելագույն ներգրավվածությամբ։
Մյուս կողմից, պետական բուհերի ռեկտորները նախարարին կոնկրետ նախաձեռնություններ են ներկայացրել ուսանողական հանրակացարանների շինության հետ կապված խնդիրների լուծման ուղղությամբ։ Չխենկելին վստահեցրել է, որ Վրաստանի կրթության և գիտության նախարարությունը կաջակցի այդ նախագծերի իրականացման գործում։
