Ախալքալաքի քաղաքապետարանից հայտնում են, որ այս պահին Ախալքալաքի մունիցիպալիտետի գյուղեր տանող ճանապարհները բաց են, չնայած այն հանգամանքին, որ առավոտից առատ ձյուն է տեղում և բուք է։
Մաքրման աշխատանքներն ըստ տենդերի, պետք է իրականացնի «Ջավա Ավտո Գզա» ընկերությունը։ Քաղաքապետարանը պետք է տեղեկացվի գյուղերի լիազորների կողմից, որ այս կամ այն ուղղությամբ ճանապարհները փակ են, այնուհետև քաղաքապետարանը մրցույթում հաղթած ընկերությանն է տեղեկացնում, և վերջինս արդեն պետք է զբաղվի մաքրման աշխատանքներով։
Ջավախքի համար անսովոր՝ առանց տեղումների ձմռան արդյունքում, ձմռան 2 ամիսների ընթացքում մաքրման աշխատանքներ չեն իրականացվել։
Հիշեցնենք, որ ճանապարհները ձյունից մաքրելու տենդերը կայացել է չորրորդ փորձից, քանի որ մինչ այդ ոչ ոք տենդերներին չէր մասնակցում:
Տենդերի նախնական գումարը կազմում էր 199 934 լարի, որից 100 000 լարին նախատեսված էր 2022 թվականին ձնեմաքրման աշխատանքների համար, իսկ 99 939 լարին՝ 2023 թվականի համար։
Ընդհանուր առմամբ, ձյունից նախատեսվում է մաքրել 174 կմ գյուղական ճանապարհ:
Պետք է մաքրվեն նաև Ախալքալաք քաղաքի հետևյալ փողոցները.
Ձյունը կմաքրվի միայն Ախալքալաքի քաղաքապետարանի դիմումի հիման վրա: