Ախալքալաքի մունիցիպալիտետի Փոքր Սամսար գյուղի կենտրոնական ջրատարը վերականգնվում է։ Նախագծով աշխատանքները պետք է ավարտվեին 2023 թվականին, սակայն հաջորդ տարվա համար նախատեսված միջոցները փոխանցվել են ընթացիկ տարվան և շինարարական կազմակերպությունը խոստանում է աշխատանքներն ավարտել այս տարի։
Փոքր Սամսար գյուղի կենտրոնական ջրատարի վերականգնումը լեռնային, բարդ կլիմայական պայմանների պատճառով նախատեսվում էր իրականցնել երկու փուլով, առաջինը՝ 2022 թվականին, երկրորդը՝ 2023 թվականին։ 2022 թվականի համար հատկացվել է 100 000 լարի, 2023 թվականի համար՝ 96 001 լարի։ Նախագծի ընդհանուր գումարը 196 001 լարի է։
Տվյալ աշխատանքների տենդերը շահել է «Գազմշենի XXI» ՍՊԸ-ն՝ 171 041 գումարով, ընկերության հետ պայմանագիրը կնքվել է 2022 թվականի սեպտեմբերի 21-ին։ Ընկերությունն արդեն ավարտել է 2022 թվականին նախատեսված աշխատանքները, և քանի դեռ եղանակը թույլ է տալիս, ընկերությունը խոստացել է ավարտին հասցնել վերականգնողական աշխատանքները և իրականացնել 2023 թվականին նախատեսված աշխատանքները։ Սակրեբուլոն հաստատել է վերականգնողական աշխատանքների ավարտի համար 71 041 լարիի ծախսերի փոխանցումը 2023 թվականից 2022 թվականի բյուջե։
Արդյոք կհասցնի ընկերությունն ավարտին հասցնել աշխատանքները, թե ոչ, ցույց կտա եղանակն ու ժամանակը։
