Վաչիանի մայրուղու մոտ, կեսգիշերն անց տեղի ունեցած վթարի հետևանքով 21-ամյա երիտասարդ է մահացել։ Մարդատար ավտոմեքենան այրվել է, Jnews-ը փորձում է պարզել պատճառը։ Այրված մեքենայում գտնվող մնացած երեք անձինք տեղափոխվել են հիվանդանոց։
Դեռևս հայտնի չէ, թե ինչպես է տեղի ունեցել դեպքը, սակայն շտապօգնությունը կանչվել է մոտավորապես գիշերը ժամը 1:00-ին: Երբ շտապօգնության մեքենան ժամանել է դեպքի վայր, մեքենան արդեն այրվելիս է եղել, իսկ երիտասարդին, ցավոք, փրկել չի հաջողվել։ Մնացածներն արդեն մեքենայից դուրս էին բերվել:
Jnews-ն ավելի մանրամասն տեղեկությունը կհրապարակի դա պաշտոնապես հաստատելուն պես։
