Ախալքալաքի մունիցիպալիտետի Բարալեթ գյուղի մշակույթի տան վերականգնման համար էլեկտրոնային մրցույթ է հայտարարվել՝ 80 հազար լարիի չափով։
Մարտի 15-ին մրցույթ էր հայտարարվել Բարալեթ գյուղում երկար տարիներ անմխիթար վիճակում գտնվող ակումբի վերականգնման համար։ Այն կառուցվել է անցյալ դարի 60-ական թվականներին։ Ակումբի շենքը անբարվոք վիճակում է, թեև գյուղացիները դեռ օգտվում են դրանից, տանիքի փայտյա գերանները փտել են, տանիքը տեղ-տեղ քանդված է։ Շենքի ներսը նույնպես անմխիթար վիճակում է։ Պատուհաններին ապակի չկա, հատակը քանդված է, պատերը խոնավ են և ծածկված բորբոսով։
Այս տարի որոշվել է ակումբը վերանորոգել Ախալքալաքի մունիցիպալիտետի խոշոր գյուղերից մեկում։
Առաջարկների ընդունումն ավարտվել է մարտի 28-ին։ Մրցույթին մասնակցել է միայն մեկ մասնակից՝ Վարդ Մկոյանը, ով առաջարկել է 66 388 լարի գումարը։ Նրա խոսքով՝ պայմանագիրը կկնքվի մի քանի օրից։ Աշխատանքները պետք է իրականացվեն եղանակային պայմանների բարելավումից 60 օր հետո, պետական գնումների կայքում կոնկրետ ժամկետներ չկան։ Տանիքը, պատերը, հատակը ենթակա են վերանորոգման։ Տեղադրվելու են մետաղապլաստմասե դռներ և պատուհաններ։